Những câu Kinh Thánh phổ biến từ Markos 9

Chia sẻ

Tinábbeg siya ni Jesus, “Bakin a na kagi mo a tehhodák a magimet? Mangyare u atanan para tu tolay a maniwala tu Diyos.”

Agad a timmábbeg ti mabegsák u ama nu anak, “Maniwalaák, patibayán mu ped i pánniwala kuwáy tán magin husto!”

Tu kássáddáp di Jesus tu bilay ay tinanung siya nu disepulus na hide ti lihim, “Bakin a awan me napalayas u madukás a ispirito?” Tinábbeg hide ni Jesus, “I konna ay hod a kalase ni ispirito ay mapalakad la tu pamamag-itan nu págdasal.”

Maganda u asen, pero ni mawanan ti lasa ay tumablal dán, pakodyaán pa a pasoliyán u asen na? Konna bi hod nikam, dapat magin konna kam tu asen a makatulung tu tolay, tulungan moy u bawat essa támpara magin maayus u pamággagum moy.”

“Ni deya man u mangtanggap ti anakáy a konna he dipo nikán ay tinanggapák na sakay u mangtanggap nikán ay tumanggap be tu ama a nángpaangay he nikán.”

Tandaan moy: ni ti deyaman u mangatád nikam maski essa a baso a dinom dipo hod kam ni Cristo ay siguradu a makatanggap ti gantimpala.”

“Maganda pa tu essa a tolay a báttenan ti gilingan a bito u álleg na, sakay itábbung ti ditaw a diget kasera makapáng-atád siya ti pagkasalaan nu anak hide a maniwala nikán.”

Sakay ni u mata mo u dahilan nu pagkasalaan mo ay lábwetán mo! Mas maganda pa ni eessa la u mata mo pero tehhod ka a biyag a awan ti kahád, kasera ni duwwa u mata mo pero ibut ka la be ti impiyerno.