Những câu Kinh Thánh phổ biến từ रोमियो 8

Chia sẻ

आरू हामु जानता छे, कि जा लोगहन यहोवा–भगवान रईन मोंग राखता छे, उको करता सब वातु मिवीन भलाई ही काजे पैदा करता छे; मतलब उको करता जी मरजी लारे बुलावला छे।

काहकि हाव नक्‍की जानतु छे कि नी मृत्यु, नी जीवन, नी सोरगदूत, नी प्रधानता, नी वर्तमान, नी भविष्य, नी शक्ति, नी ऊचो, नी धरती उंडो, नी धरतीन उचाई, आरू नी सृष्टि हामु यहोवा–भगवानन मोंग रईन, जो आमरू पोरबु ईशु मा छे, अलग कर सके।

ओसली रीति रईन आत्मा भी आपणी दुर्बलता मा मदत करता छे: काहकि हामु नी जानता कि प्रार्थना कोसली रीति रईन करनो जुवे, पुन आत्मा आपनु आपसुज ओसली दम भर भरीन, जु बयानन बाहर छे, हामरे करता रावन्या करता छे

छेवली कावा हामु इनी वात विषय मा काय कोवजे? यदि यहोवा–भगवान हामरी वोगे छे, ते हामरा विरोधी कुन रोव सेकता छे?

जु मसीह ईशु मा जीवन जीवतु छे, उको पर दण्डन हुकुम नी।

शरीर पर मन लागाड़नु ते मरन छे, पुन आत्मा पर मन लागाड़ जीवन आरू शांती छे

पुन इन सब वात मा हामु उको द्वारा जु हामु काजे मोंग करलो छे, विजेता रईन बढ़ीन छे।

काहकि हाव समझतु छे, कि इन टेमे दुःख आरू पीड़ा उको महिमा न सामने, जी हामु पर प्रगट होयनेवावी छे, काहय भी नी छे।

कुन हामु काजे मसीहान मोंग रईन अलग कर छे? काय पीड़ा, या संकट, या अकाल, या गरीब, या नंगाई, या जोखिम, या तलवार?

आरू मन क यहोवा–भगवान जानतु छे, कि चुखलो आत्मान मनमा काय छे? काहकि चु चुखलो मानसो करता यहोवा–भगवानन इच्छान लारे रावन्या करतो छे।

अतरान करीन जोतरा लोगहन यहोवा–भगवानन आत्मा छे चलावड़े चालता छे, चास ते यहोवा–भगवानन पोर्‍या छे।

काहकि शारीरिक मानसन शरीरन वात पर मन लागाड़ ़े छे; पुन जा आत्मिकता मा जीवता छे, आत्मान वात पर मन लागाड़ता छे।

जु आपना खुदन पोर्‍या काजे भी नी राखीन छु़ड़यु, पुन उको हामु सबन करता आप देदा, तिनाक उको साथे हामुक आरू फुकट मा सब काय कोसो नी आपसे?

चुखलो आत्मा आपसु हामरी आत्मा साथे गवाही देदा छे, कि हामु यहोवा–भगवानन पोर्‍या छे; आरू यदि पोर्‍या छे ते वारीस भी, वरना यहोवा–भगवानन वारीस आरू मसीह क साथे छे, क हामु ओका साथे दुःख उठावे ते उको साथे महिमा भी जुड़से।

काहकि शरीर पर मन लागावने ते यहोवा–भगवान छे दुस्मनी हावकनु छे, काहकि नी ते यहोवा–भगवान कि व्यवस्थान हको तळे छे आरू नी होय सके छे

काहकि सृष्टि मोटली भुरसा सी भरायली नजर सी यहोवा–भगवान न अवळियाद उजन्तो हुयसे।

काहकि हामु जानता छे, कि सब सृष्टि हिमी तक भेवायती करती आरू पीड़ा मा पड़ीन तड़पावती छे