Những câu Kinh Thánh phổ biến từ मति 13

Chia sẻ

बाकि डउलि मटियामा परल बिया कहले वसनुक मन्‍से हखइ कहके बुझोबिय, जुने वचन सुनके बुझसिय हसे सय गुना, साठि गुना हसे तिस गुना फर फरोसिय।”

कटवाक झङवामा परलि बियवा वसनुक मन्‍से हखइ कहके बुझोबिय, हुनुका परमेस्‍वरक वचन सुनसइ, बाकि संसारक चिन्‍ता हसे धन-सम्‍पतिक लोभसे वचनवाके झापदेसइ। उहेसे हुनुकरमा फर हइने फरसइ।

जुन मन्‍सावा परमेस्‍वरक राजक बारेमा वचन सुनेके त सुनसिय, बाकि हइने बुझसिय। उअ पइडावामा परल बिया नहिँया हखिय। सइतनवा याके वकर हृदयमा रहलि वचनवा निछोरके लिगसिय।

पत्‍थरहन जागामा परलि बियवा कहले वसनुक मन्‍से हखइ कहके बुझोबिय। हुनुका परमेस्‍वरक राजक बारेमा वचन सुनतेकि गग्‍सते गरहन करसइ। बाकि इअ वचनवा हुनुकर हृदयमा गहिरलइ जरि हइने भेलसे, हुनुका एघरिक मतरे फेनि टिके नाहिँ सकतइ। परमेस्‍वरक वचन विस्‍वास करलेसे दुःख हसे सतावट यइतेकि हुनुका पाछा हटसइ।

“स्‍वरगक राज कुनहुँ एगुडा खेतवामा गाडल बहुत मोल परना धन नहिँया हखइ, जकरेके एक जन मन्‍से पउलिय हसे फेरि लोकोलिय। उअ गग्‍सते गेलिय हसे यापनसाङे भेलि जम्‍मे चिजुवा बेचके उअ जागा किनलिय।

बाकि याको कतेक बियवा डउलि मटियामा परलइ हसे हुनुका बढके कुनहुँ सय गुना, कुनहुँ साठि गुना तके कुनहुँ तिस गुना फर फरलइ।

बरु गोहुँवा नाहिँ कटलि जुनवालइ दुन्‍हुँके सङ-सङहि बढे देह। जब गोहुँवा काटेके जुन यतइ, तब गोहुँवा कटलहरानिके मुइ कहबहिँ, पहिला नमेरवा उखारके जरावेके तहिँया मुठा बनह, वकरपाछा गोहुँवा जामा करके बखरियामा धरह’।”