Những câu Kinh Thánh phổ biến từ यूहन्ना 5

Chia sẻ

मोंय तोहर से सच कहाथों, जे मोर बचन के सुनेला आउर सुइन के मोर भेजेक वाला केर उपरे बिसवास करेला, उके जुग-जुग केर जिंदगी मिल हे, उके सजा नी देवल जाई, मगर उ जुग-जुग ले मोरेक से बाइच के नवाँ जिंदगी पाय चुइक हे।

यीशु उके देइख के जाइन गेलक कि उ ढेइर दिन से इ दशा में पड़ल अहे, उकर से पूछलक, “का तोंय ठीक होवेक चाहिसला?”

तोहरेमन इ समइझ के पवितर किताब के पाढ़ाला कि उकर में जुग-जुग केर जिंदगी में ढूकेक केर डहर मिली। ओहे पवितर किताब मोर बारे में गवाही देवेला। फिन भी तोहरेमन जुग-जुग केर जिंदगी पावेक लगिन मोर ठिना आवेक नी चाहाला।

यीशु उकर से कहलक, “उठ, अपन पटिया के उठाय के चल फिर।” उ आदमी तुरते ठीक होई गेलक, आउर अपन पटिया के उठाय के चलेक फिरेक लगलक, जे दिन इ सोउब होलक, उ यहूदी मनक आराम केर दिन रहे।

यीशु यहूदी धरम केर अगुवामन से कहलक, “मोंय तोहरेमन से सच-सच कहाथों, बेटा, मतलब मोंय अपन से कोनों करेक नी पारोना, सिरिफ ओहे करेक पारोना जे काममन के मोंय आबा परमेश्‍वर के करते देखोना, काले कि जइसन मोर आबा परमेश्‍वर करेला ठीक तइसनेहें मोंय हों करोना।