Những câu Kinh Thánh phổ biến từ यूहन्ना 12

Chia sẻ

अगर केऊ मोर सेवा करेक चाहेला तो मोर पिछे होई लेवोक आउर मोर चेला बाइन जाओक। तब जहाँ मोंय अहों, हूवाँ मोर सेवक हों रही। अगर केऊ मोर सेवा करी तो आबा परमेश्‍वर हों उकर माइन करी।

जे अपन जीउ के प्रेम करेला, उ उके गवाँय देवेला, आउर जे इ दुनिया में अपन जीउ के प्रेम नी करेला; उ उके जुग-जुग केर जिंदगी लगिन बचाय लेवेला।

मोंय तोहरेमन से सच कहाथों कि जब तक गोहोम केर दाना भूंई में गिर के मोइर नी जायला, तब तक उ एकले दाना रहेला मगर जब मोइर जायला, तो ढेइर दाना होवेला।

मोंय इंजोत बाइन के दुनिया में आय हों, ताकि जे केऊ मोर उपरे बिसवास करी, उ अंधार में ना रहोक।

अगर केऊ मोर गोइठमन के सुइन के उके नी मानेला, तो मोंय उके दोषीदार नी ठहरावना काले कि मोंय दुनिया केर आदमीमन के दोषी ठहराएक लगिन नी आय हों, मगर उमन के बचाएक लगिन आय हों।

तब मरियम एगो सीसी में लगभग आधा लीटर ढेइर दाम केर सेंट लानलक, जे असली जटामांसी तेल से बनाल जाय रहे। मरियम उके यीशु केर गोड़ उपरे माखलक आउर अपन केंस से उकर गोड़ के पोछलक। आउर पूरा घर सेंट केर बेस गंध से भाइर गेलक।

तो उमन खिजूर केर डाइर लेई के उकर स्वागत करेक लगिन निकललैं। आउर उमन इ नारा लगात रहैं, “परमेश्‍वर केर स्तुति होवोक, धाइन अहे उ, जे प्रभु केर नाँव से आवेला! धाइन अहे इसराइल केर राजा।”

यीशु उमन से कहलक, “मोंय आदमी केर बेटा केर महिमा होवेक केर बेरा आय जाहे।