Những câu Kinh Thánh phổ biến từ मत्ती 7

Chia sẻ

परमेसर ऊं झिको कीं मांगोगा बो थानै मिलैगो। ढूंडोगा तो लादैगो अर बारनो खड़काओगा तो बो थारै खातर खोलैगो।

क्यूंकै झिको कोई मांगै बिनै बो दैय, झिको ढूंडै बिनै बो मिलै अर झिको खड़कावै तो बिं खातर खोलै।

झिको कोई मेरी आं बातां नै सुणगे आं पर चालैगो बो बिं बुद्धिमान आदमी बरगो होवैगो झिकै आपगो घर तकड़ी नींव पर बणायो।

जे थे दूसरै लोगां ऊं आपगै सागै आच्छो बरताव चावो तो थे बी बांगै सागै आच्छो बरताव करो। नेम विधान अर परमेसर गी बात बताण आळा गै द्वारा आ'ई सीख देऐड़ी है।

पण झिको भीड़ो रा है बिमै चालणो ओखो है। बो रा अनन्त जीवन तांई जावै है। बिमै थोड़ा ई लोग जावै है।

परमेसर गै राज में भीड़ै रा ऊं जाओ। पण चोड़ो रा अर खुलो रा बिनास कानी जावै। भोत सारा लोग ईं पर चालण लागरया है।

थे चाये किता बी माड़ा हो फेर बी आपगी उळाद नै आच्छी चीज देणी चावो तो थारो पिता परमेसर थारै मांगण पर थानै आच्छी चीज क्यूं कोनी देसी?

“दूसरां पर दोस लगाण गी आदत ना बणावो। इंया करोगा तो परमेसर थारै पर बी दोस कोनी लगावैगो। क्यूंकै थारो न्याय थारै फेंसलै पर ई होवैगो। अर जे थे दूसरां गै सागै सई न्याय करोगा तो परमेसर थारो बी सई न्याय करसी। जे तूं गळत न्याय करैगो तो तेरै सागै बी इंया हो'सी।

पण झिको मेरी बातां सुणगे बां पर चालै कोनी बो बिं मूरख आदमी बरगो है झिकै आपगो घर रेत गै उपर बणायो है।

तूं आपगै भाई गी आंख में छोटो फूसको क्यामी देखै? पण तूं आपगी आंख में पडे़ड़ो मोटो फूसको देख। जद तेरी खुद गी आंख में मोटो फूसको पड़यो है तो तूं दूसरै भाई नै किंया के सकै कै मैं तेरी आंख ऊं फूसको काड़ दैयूं।

झूठी बात बताण आळा ऊं बच गे रेओ। बे सुदी भेड़ बरगा है पण बे खाण आळै भेड़ियां बरगा है। थे बानै बांगै करमा ऊं पिछाण ल्योगा। झाड़कां गै कदी अंगूर कोनी लागै, ना कांटा गै दरखत गै कदी अंजीर लागै।

इंयाई आच्छै दरखत गै आच्छा अर माड़ै गै माड़ा फळ लागै।

एक आच्छो दरखत कदी माड़ो फळ कोनी ल्यावै अर ना'ई माड़ो दरखत कदी आच्छो फळ ल्यावै।

बे सारा दरखत झिका आच्छा फळ कोनी ल्यावै बानै बाडगे आग में बाळ देसी।