Những câu Kinh Thánh phổ biến từ ମାତ୍ତିଉ 26

Chia sẻ

ଏୟୋନ୍ କାନ୍‍ପେ, ହାର୍ ବିନ୍ତି କାତେପେ, ଚି ଆପେ ପାରୀକ୍ଷା ରେ କାପେ ଉୟୁଗୋଗା, ଆତ୍ମା ଦୋ ସାପ୍ଡ଼ାଅ କାନ୍ ମେନାଃ, ମେନ୍ଦୋ ହୋଡ଼ମୋ ନାରାଦୁରା ମେନାଃ।”

ଏନ୍ତେ ଇନିଃ ଇନ୍‍କୁକେ କାଜିକେଃକୋୱାଏ, “ଇଙ୍ଗ୍ଆଃ ମୋନ୍ ଥିମ୍ବାଗି ଦୁକୁ ମେନାଃ ନେତାଃ ସାନ୍ତେ ଚି ଇଙ୍ଗ୍ଆଃ ଜୀଉ ଅଡୋଙ୍ଗ୍ କୋୱା ଲେକା ଆଟ୍‍କାରିଙ୍ଗ୍ ତାନା। ଆପେ ନେତାଃ ରେ ଗି ତାଇନ୍‍ପେ ହାର୍ ଇଙ୍ଗ୍ଆଃ ଲୋଃ ଏୟୋନ୍ କାନୋଃପେ।”

ଏନ୍ତେ ଇନିଃ ହୁଡିଙ୍ଗ୍ ଆଡୋଃ ଆୟୁର୍ ତେ ସେନ୍ କେତେ ଇକ୍ଡ଼ୁମ୍ କେଦାଏ, ହାର୍ ନେୟା ବିନ୍ତି କେଦାଏ, “ହେ ଇଙ୍ଗ୍ଆଃ ଆପୁ, ଆଗାର୍ ହୋବା ଧାଡ଼ିୟୋଃ ରେଦୋ ନେ ଦୁକୁ ଇଙ୍ଗ୍ଆଃ ତାଃ ଏତେ ଆତୋମ୍ ତାମ୍, ଏନ୍ ରେହ ଚିଲ୍‍କା ଇଙ୍ଗ୍ ସାନାଙ୍ଗ୍ ତାନାଇଙ୍ଗ୍ ଏନ୍‍ଲେକା କାହା ମେନ୍ଦୋ ଚିଲ୍‍କା ଆମ୍ ସାନାଙ୍ଗ୍ ତାନାମ୍ ଏନ୍‍ଲେକାଗି ହୋବାଅଃକା।”

ଚିୟାଃଚି ନେୟା ନିୟାମ୍‍ଥଲ୍ ରାଃ ଇଙ୍ଗ୍ଆଃ ଏନ୍ ମାୟୋମ୍ ତାନାଃ ଅକନାଃ ଥିମ୍ବାଗି ହୋଡ଼ୋକୋ ଲାଗିନ୍ ପାପ୍ କୋରାଃ ଛାମା ଲାଗିନ୍ ଲିଙ୍ଗୀଅଃ ତାନା।

ଚିମ୍ତାଙ୍ଗ୍ ଇନ୍‍କୁ ଜୋମ୍ ତାଇକେନାକୋ ଦୋ ୟୀଶୁ ହୋଲୋଙ୍ଗ୍ ଇଦିକେଦାଏ, ହାର୍ ପାର୍ମେଶ୍ଵାର୍ କେ ଧାନ୍ୟାବାଦ୍ କେତେ କେଚାଃ କେଦାଏ, ହାର୍ ଚେଲାକୋକେ ଏମ୍ କେତେ କାଜିକେଦାଏ, “ନେ, ଜୋମେ ପେ, ନେୟା ଇଙ୍ଗ୍ଆଃ ହୋଡ଼ମୋ ତାନାଃ।”

ଏନ୍ତେ ଇନିଃ ଗିଲାସ୍ କେ ଅକଣ୍ଡେ ଆଙ୍ଗୁର୍-ରାଶି ତାଇକେନା ଇଦିକେତେ ପାର୍ମେଶ୍ଵାର୍ କେ ଧାନ୍ୟାବାଦ୍ କେଦାଏ, ହାର୍ ଇନ୍‍କୁକେ ଏମ୍ କେତେ କାଜିୟାଃକୋୱାଏ, “ଆପେ ସବେନ୍ ନେୟା ଏତେ ନୁୱେପେ।

ଏନ୍ତେ ଇନିଃ ଚେଲା କୋତାଃ ହିଜୁଃକେତେ ଇନ୍‍କୁକେ ଦୁଣୁମ୍ ତାନ୍ ନାମ୍ କେଃକୋୱାଏ ହାର୍ ପାତ୍ରାସ୍ କେ କାଜିକେଦାଏ, “ଚିନାଃ ଆପେ ଇଙ୍ଗ୍ଆଃ ଲୋଃ ମିୟାଃ ଘାଣ୍ଟା ହଗି କାପେ ଏୟୋନ୍ ଧାଡ଼ିଜାନା?

ଇଙ୍ଗ୍ ଆପେକେ କାଜିୟାପେ ତାନିଙ୍ଗ୍ ଚି ଆଙ୍ଗୁର୍ ରାଃ ନେ ରାଶି ଏନ୍ ହୁଲାଙ୍ଗ୍ ସାନ୍ତେ ଚିଉଲାଅ କାଇଙ୍ଗ୍ ନୁୱେୟା, ଚିମ୍ତାଙ୍ଗ୍ ସାନ୍ତେ ଆପେ ଲୋଃ ଇଙ୍ଗ୍ଆଃ ଆପୁ ରାଃ ରାଇଜ୍ ରେ ନାୱା ଆଙ୍ଗୁର୍-ରାଶି କାଇଙ୍ଗ୍ ନୁୱେୟା।”

ଇମ୍ତା ପାତ୍ରାସ୍ କେ ଏନ୍ କାଜିକୋ ପାହୋମ୍ ହିଜୁଃଲେନା ଅକନାଃ ୟୀଶୁ କାଜି ଲିଜାଏ, “ସିମ୍‍କୋ ରାଆ ରାଃ ସିଦାରେ ଆମ୍ ଇଙ୍ଗ୍‍କେ ଆପିସା କାଇଙ୍ଗ୍ ସାରିୟା ମେନ୍ତେ କାଜିୟାମ୍।” ହାର୍ ଇନିଃ ବାହାରି ସେନ୍ କେତେ ଥିମ୍ବାଗି ଦୁକୁ ଜାନାଏ ହାର୍ ରାଆ କେଦାଏ।

ବିରିଃପେ! ଦୋଲା! ନେଲିପେ, ଇଙ୍ଗ୍‍କେ ବାଇରୀ କୋୱାଃ ତିଈ ରେ ସାସାବ୍ ଲାଗିନ୍ ଦେଙ୍ଗା ଏମେ ନିଈ ନାଡ଼େଏ ହିଜୁଃ ସେଟେର୍ କାନାଏ।”

ଏନ୍ତେ ୟୀଶୁ ଇନିଃକେ କାଜିକେଦାଏ, “ଆମାଃ ତାଲ୍‍ୱାର୍ ଆମାଃ ଖାପ୍ ରେ ଦୋହୋଏମେ ଚିୟାଃଚି ଅକଏ ତାଲ୍‍ୱାର୍ ଚାଲାଓ ୟାକୋ ଇନ୍‍କୁ ସବେନ୍ ତାଲ୍‍ୱାର୍ ତେକୋ ଗୋଜୋଗା।