Những câu Kinh Thánh phổ biến từ मत्तय 19

Chia sẻ

येशु तेस्ना कळे देखीसन सांगणा, “हई लोकस साठे अशक्य शे पण परमेश्वर ना साठे नई, परमेश्वर ना साठे सर्व काही शक्य शे.”

एनासाठे त्या आते पासून दोन लोकस सारखा नई, पण त्या एक एकदेह हुई जायेल शे. एनासाठे ज्या लोकस्ले परमेश्वर नि एकत्र जोळेल शे, तेले कोणी बी व्यक्ती आल्लग नका करा.

येशु नि उत्तर दिध, “काय तुमी वाचेल नई. कि जेनी तेस्ले बनाव, तेनी सुरुवात पासून नर आणि नारी बनाईसन सांगणा.” “या कारण वर माणुस आपला माय-बाप पासून आल्लग हुईसन आपली बायको ना संगे राहीन आणि त्या दोनी एक तन होतीन.”

येशु नि सांग “पोरस्ले मना कळे ईवू द्या आणि तेस्ले मना नका करा, कारण त्याच लोक ज्या या पोरस सारखा विश्वास लायक आणि नम्र शेतस स्वर्ग ना राज्य मा राहतीन.”

ज्या आते पहिला शेतस, त्या टाईम ले आखरी होतीन, आणि काही ज्या आखरी शेतस, त्या टाईम ले पहिला होतीन.

आणि तुमना मधून हरेक झन घर, भाऊ-बहिण, माय-बाप, बायको, पोरस्ले, व वावरस्ले मना शिष्य होवा साठे आणि सुवार्ता जाहीर करासाठे सोळी दियेल शे, तेले शंभर पट भेटीन आणि तो कायम ना जीवन ना अधिकारी हुईन.

येशु नि तेले सांग जर तुले सिद्ध होण शे, त जा जे काही तुना कळे शे तेले विकीसन पैसा गरीब लोकस्ले द्या जर तुमी असा करतस, त तुमना जोळे स्वर्ग मा धन राहीन. आणि ईसन मना मांगे चालू लाग.

तेनी तेले सांग तू मले उत्तम काबर सांगस? उत्तम त एकच शे पण जर जीवन मा प्रवेश कराना विचार करस त आदन्या माना कर.

परत तुमले सांगस, कि एक उट ना साठे सुई ना छिद्र मधून जावान सोप शे, पण एक मालदार ले परमेश्वर ना राज्य मा जावाले गैरा कठीण शे.

मी तुमले सांगस, कि जो कोणी व्यभिचार ले सोळीसन, दुसरा कोणताही कारण वर कोणी आपली बायको ले सोळीसन दुसरी संगे लग्न करीन, त तो व्यभिचार करस, आणि जो ती सोडेल बाई संगे लग्न करस तो बी व्याभिचार करस.”

तव येशु नि आपला शिष्यले सांगणा कि मी तुमले खर सांगस “मालदार लोकस साठे परमेश्वर ना राज्य मा प्रवेश करान गैरा कठीण शे.”