Những câu Kinh Thánh phổ biến từ માર્ક 13

Chia sẻ

કેંમકે તમું મારા સેંલા હે એંતરે હારુ બદ્દ મનખં તમારી ઇપેર વેર કરહે. પુંણ ઝી મરવા તક મારી ઇપેર પુંતાનો વિશ્વાસ બણાવે રાખહે, વેયુસ બસેં સકહે.”

ભાળો, સેતેંન રો અનેં પરમેશ્વર નેં પ્રાર્થના કરતા રો; કેંમકે તમું નહેં જાણતા કે વેયો ટાએંમ કેંરં આવહે.

ઝર વેયા તમનેં હાએંનેં અધિકારજ્ય ના હાથ મ હુંપહે, તે પેલ થી સિન્તા નેં કરતા વેહ કે હમું હું કેંહું. ઠીક ટાએંમેં પરમેશ્વર તમારા મન મ વાતેં નાખહે વેયુસ બુંલજો. કેંમકે બુંલવા વાળા તમું નહેં, પુંણ પવિત્ર આત્મા હે.

આકાશ અનેં ધરતી ટળેં જાહે, પુંણ મારી વાતેં કેંરસ નેં ટળે.

“ઇયે વાતેં કઇને દાડે કે કઇની વખત થાહે કુઇ નહેં જાણતું. હરગદૂત હુંદા નહેં જાણતા આં તક કે હૂં પુંતે હુંદો નહેં જાણતો. ખાલી બા એંખલોસ જાણે હે.

ઝર તમું લડાઈ અનેં લડાજ્યી ની સરસા હામળહો, તે નેં ઘબરાતા વેહ. કેંમકે એંનું થાવું જરુરી હે, પુંણ દુન્ય નું અંત તરત નેં થાએ

ઇસુવેં પુંતાનં સેંલંનેં કેંદું, તમું નહેં જાણતા કે ઘેર નો ધણી કેંરં પાસો આવહે, એંતરે હારુ તમું જાગતા રો. હૂં ઘેર નો માલિક હાંજ નો નેં તે અરદી રાતેં, નેં તે હવેંર થાવા કરતં પેલ આવેં સકું હે. પાક્કી રિતી હૂં સેતવણી આલ્યા વગર આવેં, એંતરે હારુ ખટકે રો એંતરે કે હૂં તમનેં હુતેંલા નેં ભાળું. અનેં ઝી હૂં તમનેં કું હે, વેયુસ બદ્દનેં કું હે: કે તમું હમેશા તિયાર રો.”

કેંમકે એક જાતિ બીજી જાતિ ઇપેર હુંમલો કરહે, અનેં એક દેશ બીજા દેશ ના વિરુધ મ લડાઈ કરહે. અનેં આખે-આખે ભુકમં થાહે, અનેં કાળ પડહે. ઇયુ તે દુઃખ નું સરુવાતેંસ વેંહે.

પુંણ જરુરી હે કે પેલ તાજો હમિસાર બદ્દી જાતિ ન મનખં મ પરસાર કરવા મ આવે.

ઘણા બદા મારા નામેં આવેંનેં કેંહે, કે હૂંસ મસીહ હે, અનેં ઘણં નેં ભરમાવહે.

“પુંણ તમું સેતેંન રેંજો; કેંમકે મનખં તમનેં મુટી સભા મ હુંપહે, અનેં ગિરજં મ તમનેં મારહે; અનેં મારા સેંલા હોવા ને લેંદે અધિકારજ્ય અનેં રાજં નેં અગ્યેડ ઇબા કરવા મ આવહો, એંતરે કે વેયા તમારો નિયા કરે. એંને લેંદે કે તમું હેંનનેં મારા બારા મ તાજો હમિસાર હમળાવેં સકહો.

કેંમકે ઝૂઠા મસીહ અનેં ઝૂઠા ભવિષ્યવક્તા આવહે, અનેં નિશાન્યી અનેં સમત્કાર ન કામં વતાડહે, કે કદાસ થાએં સકે તે ઝેંનનેં પરમેશ્વરેં પસંદ કરેં રાખ્ય હે હેંનનેં હુંદં ભરમાવ દે.

હેંનં દાડં મ, ખતરનાક દુઃખ નેં નકળેં જાવા પસી દાડો કાળો થાએં જાહે, અનેં સાંદો ઇજવાળું નેં આલહે. અનેં આકાશ મહા તારા ગરવા લાગહે; અનેં આકાશ ની તાકતેં હલાવવા મ આવહે.