গোজেনে ফগদাং গোজ্জ্যেদে যে, যিগুনে বিশ্বেজ্ গরন্ তারাত্ত্যে যীশু খ্রীষ্ট তা লো-গান্দোই, অত্তাৎ তা জিংকানিগান্-উৎসর্বলোই তারে হুজি গোজ্জ্যে। এবাবোত্যেগুরি গোজেনে দেগেয়্যেদে, যুনিয়ো তে তার্ সোজ্য গুণোত্তে মান্জ্যর্ আগ পাপর্ সাজা ন-দে তো তে নিদ্দুজি। তে যে নিদ্দুজি সিয়েন তে ইক্কিনে দেগেয়্যেদে যেন প্রমাণ অয় যে, তে নিজে নিদ্দুজি আর যে কেঅ যীশু উগুরে বিশ্বেজ্ গরে তারেয়ো তে নিদ্দুজি বিলি মানি লবঅ।