Những câu Kinh Thánh phổ biến từ প্রেরিত্‌ 5

Chia sẻ

সেক্কে পিতরে আর অন্য প্রচারক্কুনে জোব্ দিলাক্, “মান্‌জ্যর্ উগুম পালানাত্তুন্ বরং গোজেনর্ উগুম আমার পালানা উচিত্।

তারা পত্তিদিন উবোসনা-ঘরত আর ঘরে ঘরে যেইনে শিক্ষ্যে দিয়্যে ধল্লাক্ আর যীশুই যে মশীহ এ গম্ হবরান্ ফগদাং গরা ধল্লাক্।

সেক্কে পিতরে কলঅ, “অননিয়, কেধোক্ক্যেন্ গুরিনে শদানে তঅ মনান্ এবাবোত্যেগুরি গজক্ গুরিলো যে, তুই পবিত্র আত্মা ইধু মিজে কধা কলে আর ভূই বেস্যে টেঙাত্তুন্ কিজু নিজোত্তে থোই দিলে? বেজিবার আগেদি ভূইয়ান কি তর্ ন-এলঅ? আর বেজানার্ পরেদিয়ো কি টেঙাগুন্ তঅ আদত্ ন-এলঅ? সালে তুই কিত্ত্যে এবাবোত্যে কাম্ গুরিবে বিলিনে থিক্ গোল্ল্যে? তুই মান্‌জ্য ইধু মিজে ন-কচ্, মাত্তর্ গোজেন ইধু মিজে কধা কোইয়োচ্।” এ কধাগান শুনোনার্ লগে লগে অননিয় মাদিত্ পড়িনে মুরি গেলঅ। এ ঘটনাগান কধা যিগুনে শুনিলাক্ তারা বেক্কুনে অমকদ দোরেলাক্।

সেনত্তে এ অবস্থায় মুই তমারে কঙর্, তুমি এ মানুচ্চুনো উগুরে কিচ্চু ন-গোজ্য। ইগুনোরে ইরি দুয়ো, কিয়া ইগুনোর উদ্দেচ্চ্য আর কামানি যুনি মান্‌জ্যত্তুন্ ওই থায় সালে সিয়েন ভস্ত অবঅ। মাত্তর্ যুনি গোজেনত্তুন্ ওই থায় সালে তুমি ইগুনোরে থামেই ন-পারিবা। অয়ত দেগিবা তুমি গোজেন বিরুদ্ধে যুদ্ধ গরর্।”