Những câu Kinh Thánh phổ biến từ Acts 2

Chia sẻ

Peter‑em kiimsiqii, “Avuteghqellusi, seghleghqennanighlusi qiivitek Kiyaghneghmun, paaptaayeteklu Aatghakun Jesus Christ‑am, seghleghqellesi seghevutellengesqelluki, enkaam Kiyaghneghem tunusakek Agleghnalghiik Taghneghak allgeghtekek.

Ugpeqat iiwleng qerngughutngulghiit liinnaluteng apostle‑eneng. Christ‑akun anglegutkullghiistun kiyaghtaaghet, neghaqelghiit, yughaghaqelghiit qerngaghmeng.

Enkaam Kiyaghneghem imiqii Agleghnalghiigneng Taghneghagneng qamaglluki tawanlenguut. Taghnegham aghtughyaghqaanghilleghmikun akuzistekii nakumiistun.

Taagken nuuskagllagan anuqeghllagestun sulugllagem qilagmeng pamaken ukigluni imiqaa mangteghaq. Taagken llangaqa ulusugnilnguut kenghhaat allgeqat, esghapakiit ilameggnun nekeghqaallghiit. Enkaam Kiyaghneghem imiqii Agleghnalghiigneng Taghneghagneng qamaglluki tawanlenguut. Taghnegham aghtughyaghqaanghilleghmikun akuzistekii nakumiistun.

Aghhutanga tamaghhaan qerngughutaqelghiit Temple‑mi. Neghelgutengllaghaqluki ilateng, quyakusiqinaghluki neqeteng upughatusiqaqegkangit. Kitumun alngunak piniqnighllaget, usuqumanginaghaqegkangatlu Kiyaghneq. Aghhutanga tamaghhaan Atanghem yugulingukangi yuget, enkaam ugpeqat nulamanginaqat.

‘Kiyaghneq pikaaguq, Kingulighni aghneghni Taghneghagka kayagsaghqaqagka tamaghhaanun yugnun. Enkaam ighnesi, panisi uuknaliqsaghqaagut, nukalpigasi esghaghwaaghyaghqaagut, nanevgasi qavangughyaghqaagut.

Ugpeqat qamaglluteng nagneqaalghiit ataasistun, saghyateng atunem atuqluki. Akikluki nunatengllu saghyatengllu, allgeghtateng manit tuunaqegkangit sameng aklulghiinun.

Iwernga aghneq taana kaatestegpenaan, kina alngunak seghevutesqelghii Ataneghmun yugulillengyaghqaaguq.’ Tawaten Joel uuknaliqegkaaguq.

siqiineq mamlegsaghqaq, tanqiq kavighsaghqaq aawestun. Tamaakut kingungitneng megnunapiglleghhii Atanghem nanqigtivigkaa aghneq piyaghqaaguq.