Những câu Kinh Thánh phổ biến từ मत्ती 4

Chia sẻ

यीशुऐ ज़वाब धिना, “पवित्र शास्त्रा न ऐ लिखू सा, ‘मांहणु सिर्फ़ रोटियै लाइया केल्हा नी, बल्कि परमेश्वरै रै मुँहा न निकलणू आल़ै हर एकी वचनै लाइया ज़िन्दै रौहणा।’ ”

तैबै यीशुऐ तेइबै बोलू, “ओ शैतान दूर हो, किबैकि पवित्र शास्त्रा न लिखू सा: ‘तू सिर्फ़ आपणै प्रभु परमेश्वरा बै प्रणाम केर, होर तेइरी भक्ति केर।’ ”

यीशुऐ तेइबै बोलू, “पवित्र शास्त्रा न ऐ बी लिखू सा, कि ‘तू आपणै प्रभु परमेश्वरै री परख मत केरदा।’ ”

तैबै तेई बौगतै पवित्र-आत्मै यीशु सुनसान ज़ैगा बै नेऊ ताकि शैतानै रै द्वारा यीशु री परीक्षा होली। सौ चाल़ी ध्याड़ी, होर चाल़ी राती न भूखा होर शोखा रौहू, तैबै तेइबै भूख लागी।

तैबै यीशुऐ तिन्हां बै बोलू, “मूँ पिछ़ै एज़ा, ज़ैण्ढै तुसै मैच्छ़ी ढौका सी, तैण्ढै मूँ तुसै मांहणु बै ढौकणु आल़ै परमेश्वरा रा च़ेला बनाणा सिखाणै।” ते तुरन्त जाला बै छ़ौड़िआ यीशु पिछ़ै औंढदै लागै।

तेई बौगता यीशुऐ प्रचार केरना होर ऐण्ढा बोलणा शुरू केरू कि, “पापा न मन बदला किबैकि स्वर्गा रा राज्य नेड़ आऊ सा।”