Những câu Kinh Thánh phổ biến từ लूका 22

Chia sẻ

“हे परमेशर मेरै बाबा, ज़ै हई सका, तै कर मुखा ऐहा घल़ी एऊ दुखा दूर। तैबी ज़िहअ हुंह च़ाहा तिहअ निं पर ज़िहअ तूह च़ाहा तिहअ लोल़ी हुअ।”

पर मंऐं किई ताल्है अरज़ कि तेरअ मुंह दी विश्वास करनअ निं लोल़ी घट हुअ अर ज़ांऊं तूह बापस फिरे, आपणैं इना साथी-भाई करै हेर-सभाल़ करी पाक्‍कै।”

तेखअ च़की ईशू रोटी अर परमेशरो शूकर करी दैनी चोल़ी करै तिन्‍नां लै इहअ बोली, “अह आसा मेरी देही, ज़ुंण मंऐं तम्हां लै दैनी, मुंह आद करना लै करै तम्हैं इहअ ई।”

इहअ ई करै दाखे रसा करै भरअ द एक होर प्रिहअ हाथै ढाकी करै ईशू बोलअ, “अह प्रिहअ आसा मेरै लोहू दी परमेशरे मणछा लै नऊंईं करार। अह बहाऊंणअ तम्हां मांझ़ै कई मणछे पाप माफ करना लै बल़ीदान करी।

ईशू हुअ खास्सअ दुखी अर तेभी रहअ प्राथणां करदअ लागी तेऊओ प्रसिन्‍नअ ज़ाण्हुंअ तेऊ का इहअ कि बडै-बडै लोहूए टिप्पै लागै धरनीं पल़दै।

“पर तम्हैं निं इहै हई, पर ज़ुंण तम्हां मांझ़ै बडअ होए, सह हऐ सोभी का होछ़अ अर ज़ुंण बडअ आसा, सह बणै दास ज़िहअ।

पर ईशू बोलअ तेऊ लै, “हे पतरास, हुंह बोला ताल्है इहअ कि आझ़ ऐहा ई राची मुर्गै दूई बारी बाशणैं का आजी हुधणअ तूह मेरै बारै चिई बारी।”