Những câu Kinh Thánh phổ biến từ जोहन्‍ना 5

Chia sẻ

“हुंह खोज़ा तम्हां का सत्त कि ज़ुंण मेरअ बैण शूणीं मुंह छ़ाडणैं आल़ै दी विश्वास करा, सदा रहणैं आल़ी ज़िन्दगी आसा तेऊए अर तेऊ लै निं सज़ा हणीं। पर सह मुक्‍कअ मौता पार करी सदा रहणैं आल़ी ज़िन्दगी लै डेऊई।

ईशू भाल़अ सह तिधी अर तेऊ का गअ थोघ लागी कि अह आसा खास्सी साला ओर्ही इधी पल़अ द। ईशू पुछ़अ तेऊ का, “कै तूह ठीक हणअ च़ाहा?”

“तम्हैं लोल़ा पबित्र शास्त्रा दी, इहअ समझ़ी कि सदा रहणैं आल़ी ज़िन्दगी भेटणीं तम्हां, अर अह आसा सह ई ज़ुंण मेरी शाजत दैआ। “पर तैबी निं तम्हैं सदा रहणैं आल़ी ज़िन्दगी पाणा लै मुंह सेटा एछणअ च़ाहंदै।

तेखअ बोलअ ईशू तेऊ दरंगे मरीज़ा लै, “हुंह बोला ताल्है, उझ़ू आपणैं एऊ बछ़ाऊणैं च़क संघा डेऊ आपणैं घअरा लै।” सह मरीज़ उझ़ुअ तेभी सोभी नदरी खल़अ, संघा लागअ सह आपणैं बछ़ाऊणैं च़फल़ी करै हांढदअ-फिरदअ। सह थिई बशैघे धैल़ी।

ऐहा गल्‍ला शूणीं बोलअ ईशू तिन्‍नां लै, “हुंह खोज़ा तम्हां का सत्त कि पूत निं आप्पै किछ़ै करी सकदअ। पर सह भाल़ा आपणैं बाब करदै, ज़ुंण-ज़ुंण काम तेऊओ बाब करा, पूत करा तेऊ ई साबै।