Những câu Kinh Thánh phổ biến từ Ore i mexü̃ ga Matéu ümatüxü̃ 27

Chia sẻ

Rü yema tomaepü̱xarü oragu rü Ngechuchu rü tagaãcü aita naxü, rü ñanagürü: —Erí, Erí, ¿damá chabátani? —ñanagürü. Rü ngẽma rü ñaxü̃chiga nixĩ: “Pa Chorü Tupanax, Pa Chorü Tupanax, ¿tü̱xcüü̃ choxna quixũgachixü̃?” ñaxü̃chiga nixĩ.

Rü yema oragu ga Tupanapata ga taxü̃nearü tüyemachiãxü̃ rü taxregu narügáute. Rü daxũwa inanaxügü ga nax nagáutexü̃ rü ñu̱xmata ñaxtüwa nangu. Rü naxĩã̱xãchiane, rü narüngǘxtegü ga nutagü ga itacü. Rü yuetamaü̃gü rü ningẽnagü. Rü wena namaxẽ ga muxü̃ma ga duü̃xü̃gü ga yuechiréxü̃ ga Tupanaaxü̃́ yaxõgüxü̃.

Rü wenaxarü tagaãcü aita naxü ga Ngechuchu, rü nayu.

Rü yema churaragüarü ãẽ̱xgacü rü norü churaragü ga Ngechuchuna ídaugüxü̃, rü yexguma nüxü̃ nadaugügu nax naxĩã̱xãchianexü̃ rü guxü̃ma ga yema ngupetüxü̃ rü poraãcü namuü̃e, rü ñanagürügü: —Aixcüma nixĩ ya daa yatü ya Tupana Nane nax yixĩxü̃ —ñanagürügü.

Rü tocuchigu inaxügü rü ñu̱xmata tomaepü̱xarü orawa nangu nax naxẽanexü̃ ga guxü̃ ga naanewa.

Rü yexguma ga ãẽ̱xgacü ga Pirátu rü yema duü̃xü̃güna naca, rü ñanagürü: —¿Ta̱xacü tá chaxüxü̃ namaxã i ngẽma Ngechuchu i Cristugu ãégaxü̃? —ñanagürü. Rü guxü̃ma ga duü̃xü̃gü rü nanangãxü̃gü, rü ñanagürügü: —¡Curuchawa yapota! —ñanagürügü. Rü yexguma ga Pirátu rü ñanagürü nüxü̃: —¿Natürü ta̱xacürü chixexü̃ naxü? —ñanagürü. Natürü ga nümagü ga duü̃xü̃gü rü wenaxarü tagaãcü ñanagürügü: —¡Curuchawa yapota! —ñanagürügü.