Những câu Kinh Thánh phổ biến từ KITAB TEU-ULANG 6

Chia sẻ

Cinta kheueh TUHAN Allah gata deungon sipeunoh até gata: tunyok kheueh nyan lam cara udeb gata siuroe-uroe dan nibak buet gata.

Gata peurunoe kheueh ubak aneuëk-aneuëk gata. Bah kheueh hainyoe gata peugah sabe bah nyan di dalam rumoh meunan cit di luwa rumoh, watée gata meureuhat dan nibak watée gata meukeureuja.

Bék kheueh sagai-sagai gata peutuwoe peurintah-peurintah nyang ulôn bri ubak gata nibak uroenyoe.

Syedara-syedara, ingat kheueh! Teuma TUHAN, dan TUHAN mantong Allah geutanyoe!

Ikat kheueh nibak jaroe gata dan pasang kheueh teuma nibak keuneng gata mangat teu ingat-ingat.

Gata tuléh kheueh nibak taméh pintoe rumoh gata dan nibak babah pintoe geureubang gata.”

Horeumat kheueh ubak TUHAN, Po teu Allah gata, dan gata seumah kheueh Gobnyan mantong, dan meunyoe gata ta meubudok, peubuet kheueh nyan deumi nan TUHAN mantong.

“TUHAN Po teu Allah ka geumeujanji ubak indatu gata Nabi Ibrahim, Nabi Ishaq dan Nabi Yakub bahwa Gobnyan teuma geubri nanggroe nyan keu gata. Banda-banda jih raya-raya meunan cit makmu-makmu, dan bukon gata nyang peudongnyan. Rumoh-rumoh peunoh deungon barang-barang nyang gét-gét, dan meunan cit atra nyan bukon gata nyang pasôe. Gata teuma meurumpok deungon mon-mon, dan nyanpi kon gata nyang kueh mon nyan. Gata teuma meumeurumpok deungon lampôh-lampôh anggô dan lampôh zaiton, dan meunan cit atra nyan bukon gata nyang pula. Meunyoe TUHAN geuba gata u nanggroe nyan, dan gata meuteumé banmandum nyang gata galak keu gata pajoh, jaga kheueh beugét-gét mangat gata hana gatatuwoe ubak TUHAN nyang ka geupeubeubaih gata di nanggroe Meusé, di teumpat gata jicok keunamiet.

“TUHAN Po teu Allah geuyue nibak ulôn jeuet lôn peurunoe banmandum huköm nyoe ubak gata mangat atranyan gata peubuet singoh di nanggroe nyang hana treble teuma gata duek. Bah kheueh gata dan keuturonan gata siumu udeb jihoreumat TUHAN Po teu Allah gata mantong, dan meunan cit gata taát ubak banmandum huköm nyang teuma ulôn peusampoe ubak gata, mangat gata panyang umu di nanggroe nyan.

Gata peubuet kheueh nyan meunurot TUHAN nyan gét dan ade, teuma gata meuteumé seujahtra. Tanoh nyang subô nyang ka geupeujanji lé TUHAN ubak indatu gata, teuma jeuet keu hak milék gata

Meunyoe gata taseumah cit ilah-ilah nyang laén, deungon nyan gata geupeutreun azéb deungon meureuka jih lé TUHAN Po teu Allah gata dan geupeusapansapa atranyan banmandum, sabab TUHAN Allah gata nyang na lamkawan gata hana geutem tapeusaban deungon peue mantong.

Bék kheueh gata seumah ilah-ilah nyang laén nyang jiseumah lé ureuëng nyang na di seukeulileng gata.

Bék kheueh gata cuba TUHAN Po teu Allah gata lagée nyang ka gata peubuet di Masa.