Những câu Kinh Thánh phổ biến từ Mwa 25

Chia sẻ

Nake Mwĩai Ngai amwĩa atĩĩ, “Syana isu syĩ ĩvunĩ yaku, ikatw'ĩka mbaĩ ilĩ sya andũ; ũkasyaa syana ilĩ ila syeana ikethĩwa imenanĩte. Ũmwe wasyo akeethĩwa e vinya kwĩ ũla ũngĩ; ũla mũkũũ akeethĩwa mũthũkũmi wa ũla mũnini.”

Nĩvo ĩndĩ Esaũ weeie Yakovo atĩĩ, “Mbĩkĩe mĩtũkĩ suvu ũsu mũtune; nĩw'ĩte nzaa mũno!” (Kĩu nĩkyo kyatumie Esaũ etwa kwa ĩsyĩtwa yĩngĩ Etomu).

Isaka nĩwavoyie Mwĩai Ngai nũndũ wa mũka wake nĩkwĩthĩwa aĩ ngũngũ. Mwĩai Ngai nĩwasũngĩie mboya syake, na Laveka aitava.

Nake Esaũ amwĩa, “Ngilĩlye kũkw'a, kĩla kĩmbaĩlĩte ta nĩ mwana ũla mũkũũ kĩna ũtethyo mwaũ kwakwa?” Yakovo amwĩa, “Amba kwĩvĩta mbee wakwa.” Kwoou Esaũ nĩweevĩtie mbee wa Yakovo, na amũthooesya kĩla kĩmwaĩlĩte ta we mwana ũla mũkũũ.

Kana kala ka kelĩ kasyaiwe kakwete kĩtiinyo kya Esaũ, na kwoou keetwa Yakovo. Isaka aĩ na ũkũũ wa myaka mĩongo thanthatũ yĩla syana isu syasyaiwe.

Isaka nĩwendete Esaũ, nũndũ nĩweew'aa mũyo aiya nyama sya nyamũ ila Esaũ wasyĩmaa, ĩndĩ Laveka endete Yakovo.