Những câu Kinh Thánh phổ biến từ Motíosi 14

Chia sẻ

Kanɛ́ Píele ɛ ɛ́nana ufufu, gɛ́hɛ́ go gɔ́lɔ bofoá. A á bayɛ́gá go yímene naá miimpo, gɛ́hɛ́ go áncɛda a amɔ́: «Daadáa códíomú!» Hɔ́ɔ na hɔ́ɔ, Yésusu go dóŋio ombɔ́gɔ, a báa mo gumbéné; gɛ́hɛ́ go mo oyana a amɔ́: «Gioliminyo gáhɔ gɛ́ lɛ́ fágɔfágɔ, o báá ná suŋénényée goakɛ́ o?»

Kanɛ́ Píele ɛ ɛ́nana ufufu, gɛ́hɛ́ go gɔ́lɔ bofoá. A á bayɛ́gá go yímene naá miimpo, gɛ́hɛ́ go áncɛda a amɔ́: «Daadáa códíomú!»

Hɔ́ɔ na hɔ́ɔ, Yésusu go bó oyana a amɔ́: «Nigégé, a lɔ́mɔ́ yɔmɔ́ɔ, no do bɛáa bofoá.»

Píele go gɔ́lɔ dogálɔ a amɔ́ gɛ́hɛ́ aá: «Daadáa, aáŋa a lɔ́mɔ́ maamɔ́ɔ, páamɔ́ bogaaga bá go úle anáa o lɔ́mɔ́, ŋgɛnda naá miimpo mmoɛná.» Yésusu a amɔ́ gɛ́hɛ́ aá: «Úle!» Kɔ́ɔ Píele a siisemú naá gilué, go bayɛga go ɛnda naá miimpo mmoɛná, go go ɛ́da anáa Yésusu a mbaá lɔmɔ́.

Kɔ́ɔ behúúní báaba bá mbaá lɔmɔ́ naá gilué, bá gulemú enúu naá busío bɛ́hɛ́, bá amɔ́: «O lɛ́ mammana moɔnɔ́ ba Asaŋa!»

Yésusu go bó gundie a amɔ́: «Bó do úhénée goŋaá bɛ́ ɛ́da; bɛɛnyɔ́ɔ moatɛ́ bó fáamɔ́ nɔnɔ manyáanya.» Behúúní go mo gundie bá amɔ́: «Dɛ bɛanana háalá goana bɛlɛ́dɛ bɛ́táanɔ na moɔbɔ́ móandɛ́.»

Yésusu a amɔ́ gáábɔ́ a amɔ́: «Ŋgúlénéemú nɔnɔ na mɔ́ɔ háalá.» Gɛ́hɛ́ go íŋene bogaaga bá goŋaá batɔ bá lukumenene naá mbínyí; mɔ́ɔ go gɔ́lɔ bɛlɛ́dɛ bá bɛ́táanɔ na moɔbɔ́ móandɛ́, a báá búlúgíe oŋgíso go mmoɛná, a báá béhiigí Asaŋa. Gɛ́hɛ́ go gɛ́sa bɛlɛ́dɛ, i íŋene behúúní, bɔ́ɔ bá abana bitúu bitúu bá batɔ.

Biimée bá báá nyáányáa, bá báá hóógío; bá báá gɔ́lɔ́ bigísi bá bɛlɛ́dɛ bɛ́ɛbɛ bɛ́ mbaá síéné, bɛ́ mba lɛ́ bɛ́ hóogono ncada sɛ́ɔ́dɔ́ na ɛ́handɛ́ dácɛ dácɛ.