Những câu Kinh Thánh phổ biến từ ᒫᔪᐦᐧᑖᑦ ᒫᕠᔫ 26

Chia sẻ

ᔮᒀᒦᒄ ᑭᔮᐦ ᐊᔨᒥᐦᐋᒄ ᐋᑳ ᒑ ᒌᐦ ᔑᐦᑯᒋᐦᐄᑯᔮᒄ ᑯᒀᒋᐦᐄᐙᐎᓐ᙮ ᐙᔥ ᒋᑎᐦᒑᐦᑯᐙᐦᒡ ᓈᔥᑖᑆᐦ ᑯᐃᔅᒄ ᒋᐐᐦᑎᓈᐙᐤ ᒥᒄ ᒫᒃ ᒋᔮᓯᐙᐦᒡ ᓂᒧᐃ ᒥᑐᓐ ᒋᓵᐱᓰᓈᐙᐤ᙮”

ᐋᒄ ᑳᐦ ᐄᑖᑦ, “ᓈᔥᑖᑆᐦ ᒥᓯᒫᔨᐦᑎᒻ ᓂᑎᐦᒑᐦᒄ, ᒨᔮᒻ ᐊᓂᑎᐦ ᒑ ᐅᐦᒋ ᐴᓂᐱᒫᑎᓰᔮᓐ᙮ ᐋᑯᑖᐦ ᐅᑎᐦ ᑖᒄ ᒥᒄ ᒫᒃ ᐊᑳᐐ ᐐᐦ ᑭᐎᐦᑯᔑᒄ ᐋ ᐋᔓᐙᐱᒥᔮᒄ᙮”

ᐋᒄ ᐊᓂᑖᐦ ᐄᒑᓯᔅ ᑳ ᐄᑐᐦᑖᑦ ᐐᔨ, ᒌᐦ ᐅᒋᐦᒌᐦᑯᓂᐱᐤ ᒫᒃ, ᑳ ᓂᑐᑎᒫᑦ ᐋᐦ ᐃᔨᑦ, “ᓅᐦᑖ, ᒑ ᒌᐦ ᐃᓯᓈᑯᓂᒀ, ᐹᒋ ᐄᒑᓂᒨᐦ ᐊᓐ ᒥᓂᐦᒀᑭᓐ ᐆ ᑖᓐ ᒑ ᐄᔑ ᐙᐐᓯᒑᔨᐦᑎᒫᓐ, ᒥᒄ ᒫᒃ ᒌᔨ ᒋᑎᐄᑖᔨᐦᑎᒧᐎᓐ ᒋᑭ ᑐᑖᑭᓂᐤ, ᓂᒧᐃ ᓃᔨ ᓂᑎᐄᑖᔨᐦᑎᒧᐎᓐ᙮”

ᐙᔥ ᐋᐅᒄ ᐆ ᓂᒥᐦᒄ ᒑ ᐅᐦᒋ ᐅᔅᒋᐦᑖᑭᓂᐎᒡ ᓂᔅᑯᒥᑐᐎᓐ, ᐋᐅᒄ ᓂᒥᐦᒄ ᒑ ᓰᒋᑭᐎᐦᑖᑭᓂᐎᒡ ᒑ ᒌᐦ ᐅᐦᒋ ᐙᐹᔨᐦᑎᒧᐙᑭᓂᐎᒡ ᒥᐦᒑᑐᐦ ᐄᔨᔨᐅᒡᐦ ᐅᒥᒋᐦᑣᐎᓂᐙᐤᐦ᙮

ᐊᓂᔮᔨᐤ ᒫᒃ ᐋ ᒦᒋᓱᒡ, ᒌᓴᔅ ᒌᐦ ᐅᑎᓈᐤ ᐋᐃᐦᑯᓈᐤ ᐋᒄ ᑳ ᓂᓈᔅᑯᒫᑦ ᒋᔖᒥᓂᑑ᙮ ᐄᔥᐱᐦ ᒫᒃ ᑳ ᓂᓈᔅᑯᒧᑦ ᐋᒄ ᑳ ᐱᐱᐦᒀᓈᑦ ᐊᓂᔮᔨᐤ ᐋᐃᐦᑯᓈᐤ ᐋᒄ ᑳ ᒥᔮᑦ ᐅᒋᔅᒋᓂᐦᐊᒧᐙᑭᓐᐦ ᐋᐦ ᐄᑖᑦ, “ᐅᑎᓈᐦᒄ ᐆ, ᒧᐙᐦᒄ, ᐋᐅᒄ ᓂᔨᐤ᙮”

ᐋᒄ ᐊᓂᔮᔨᐤ ᒥᓂᐦᒀᑭᓂᔨᐤ ᑳ ᐅᑎᓂᐦᒃ, ᑳ ᓂᓈᔅᑯᒫᑦ ᒋᔖᒥᓂᑑᐦ, ᐋᒄ ᑳ ᒥᔮᑦ ᐊᓂᔮᔨᐤᐦ ᐅᒋᔅᒋᓂᐦᐊᒧᐙᑭᓐᐦ ᐋᐦ ᐄᑖᑦ, “ᐅᑎᓂᒥᒄ ᐆ ᒑ ᒌ ᒥᓂᐦᒀᔮᒄ ᒥᓯᐙ ᐋ ᑎᔑᔮᒄ᙮

ᒌ ᐱᓯᑰ ᒫᒃ ᑳ ᒌᔥ ᐊᔨᒥᐦᐋᑦ, ᑳᐤ ᑳ ᓂᑎᐙᐱᒫᑦ ᐊᓂᔮᔨᐤᐦ ᐅᒋᔅᒋᓂᐦᐊᒧᐙᑭᓐᐦ ᑳ ᐊᓯᓂᐙᐦᐄᑯᑦ, ᐙᑎᐦᑖᑦ ᒫᒃ ᐋᔨᐅᑯᓐ ᐅᔮᔨᐤᐦ ᑳ ᓂᐹᔨᒡ, ᐋᒄ ᑳᐦ ᐄᑖᑦ ᐊᓂᔮᔨᐤ ᐲᑎᕐ, “ᓂᒥ ᐙᐙᒑ ᐹᔨᒀᐤ ᐋ ᒌᓂᒀᓂᐦᑖᑦ ᑰᐦᒌ ᐊᓯᓂᐙᐦᐄᓈᐙᐤ ᐋᐦᐋᑳ ᓂᐹᔮᒄ᙮

ᒋᐐᐦᑎᒫᑎᓈᐙᐤ ᒫᒃ ᓂᒧᐃ ᒦᓐ ᓂᑭ ᐅᐦᒋ ᒥᓂᐦᒀᓐ ᔔᒥᓈᐳᐃ ᐅᑎᐦ ᐐ ᐹᑎᔥ ᐊᓂᑖᐦ ᓅᐦᑖᐐ ᐅᒋᐦᒋᐅᒋᒫᐎᓂᐦᒡ ᒦᓐ ᒫᒨ ᒥᓂᐦᒀᔨᐦᒀ ᐋ ᐅᔅᑳᑭᒥᒡ᙮”

ᐋᒄ ᐲᑎᕐ ᑳ ᐅᐦᒋ ᒋᔥᒋᓯᑦ ᑖᓐ ᑳᐦ ᐄᑎᑯᑦ ᒌᓴᔅᐦ, “ᐋᔥᒄ ᐋᒸᔮ ᒋᔅᑑᑦ ᓈᐹᐹᐦᑭᐦᐋᐦᒀᓐ ᓂᔥᑣᐤ ᒋᑭ ᐃᔨᓐ ᐋᐦᐋᑳ ᒋᔅᒑᔨᒥᔨᓐ᙮” ᐋᒄ ᒫᒃ ᑳ ᐎᔨᐐᑦ ᑳ ᓂᑐᒫᑑᑦ, ᓲᐦᒃ ᐋ ᒫᑑᑦ᙮

ᐎᓂᔥᑳᒄ, ᒫᒌᑖᐤ ᐋᒄ, ᐙᔥ ᔖᔥ ᑎᑯᔑᓐ ᐊᓐ ᓈᐹᐤ ᒑ ᒫᒥᔑᒥᑦ᙮”

ᐋᒄ ᒌᓴᔅ ᑳᐦ ᐄᑖᑦ, “ᐲᐦᑖᐦ ᐊᓐ ᒋᒨᐦᑯᒫᓐ, ᐙᔥ ᒥᓯᐙ ᐊᐙᓐ ᑳᐦ ᐋᐱᒋᐦᑖᑦ ᓂᑐᐱᔫᐦᑯᒫᓂᔨᐤ ᒑ ᒌ ᓂᐱᐦᐋᑦ ᐊᐙᔨᐤᐦ ᐋᔪᐎᒄ ᐅᔮᔨᐤ ᒑ ᐋᐱᑎᓃᔨᒡ ᓂᐱᐦᐋᑭᓅᒑ ᑭᔮᐦ ᐐᔨ᙮