Những câu Kinh Thánh phổ biến từ Yohan 6

Chia sẻ

Niklɔ Yesu asi ba si, “Malɛ ŋwisi kiŋaŋa gi kizɛki ligbã́ kinɛ ɛ, Ɔniliɛ gi aba mɔklɔ ɛ, kuʋɛ kútraku ye e; ɔniliɛ gi azɛ mɛ aʋa aŋa ɛ, olile ɔ́traku ye e.

Kidiliɛ gi kizɛɛki ligbã́ nɛ ɛ, kɛ kinu Aya yɛ Ɔfuɛfuɛ nɔ; ɔnɔ gbagbe kisugyaɛ kínu liboeboe. Eboa la gi mapani akí mlɔ ɛ, enu Ɔfuɛfuɛ gi izɛki ligbã́ a.

Mlakíwa axwɛ akí kiŋaŋaɛ klɔ gi kiazizi i; boŋu i, mlawa axwɛ akí kiŋaŋaɛ klɔ gi kiaze kí ligbã moblo le e. Bɛ binu kiŋaŋaɛ klɔ gi Ɔnɔ Yebi ye aaki mlɔ ɔ, lɛ ese linu si Kaka Aya, akɔ yɛ liklatrɔtrɔ lɛ gyesi ye atrɔ ní yɛ aʋa.”

Lɛ kidiliɛ gi Mɔka apɛ́ ɛ, kɛ kinu si; banama pɔ́ gi bɛmɔ Obi ye xe bɛzi yɛ aʋa ɛɛŋa ɛ, bamɔ ligbã́ moblo le. Lɛ maayɔni ba pɔ́ dɔni bekpo ʋa mɛ ní liwe gɔgɔ lɛ aʋa a.”

Yesu ebu le onu si, “Kidiliɛ gi Aya apɛ si mlabitɛ ɛ, kɛ kinu si mlazi mɛ ɔniliɛ gi akpɛ aʋa aŋa a.”

Ɔnɔ kakaa gi Mɔka Aya aki mɛ ɛ, aaba mɔ klɔ. Mátrakpikpini ɔniliɛ gi aaba mɔklɔ liwewe e.

Simon Petro ebu le onu akí yɛ si, “Ɔkaɛ, nyaŋwɛ kɔ kwiatrɛ ɛ? Eboa la gi izɛɛki Ligbã́ moblo le e, wɔ kɔ́ alɛ.

Mɛ menu liklã̀ nɛ gi lizɛɛki ligbã́ a, gi lidɔ ní lifunu ne eba a. Xe ɔnutɔ atà likla lɛ ya ɛ, aaze ligbã́ moblo le. Liklã̀ ɛnɛ gi maaki yɛ ɛ, lɛ linu mɛ kisugyaɛ gi maakɔ tɔ kelea mɛ banima biadzi ligbã́ a.”

“Ɔnɔnɔ ɔ́tratani mɔkɔ kuba a, xe aní Mɔka gi yɛ akpɛ mɛ ɛ, yɛ etini ye apɔni mɛ; lɛ maayɔni yɛ dɔni bekpo ʋa mɛ ní liwe gɔgɔ lɛ aʋa a.

Lɛ aklã na gi Aya izɛkɔ ɛ, la enu mɛ ɔniliɛ gi eple adɔ ni lifunu ne e, xe izɛki kelea ligbã́ nɛ ɛ.”

Mɛ menu liklã̀ nɛ gi lizɛki ligbã́ nɛ ɛ.

Yesu akɔ aklã na, lɛ edo Aya ɖase e, xe akɔ la akɔ si balɛ akí banama gi beze ní niklɔ ɛ. Nite ke abitɛ nì akpa la fɛ, lɛ ɔnɔ kakaa amɔ kiliɛ onu gi apɛ ɛ. Gi ba pɔ́ beke e, asi yɛ badɔkpasi ba si, “Mlakpɛ kupɛ gɔgɔɔ likpɔ, mlakíki tɔ kutɔtɔ kudɔ ofu u.”

Badɔkpasi ba beku katapokpaa ŋwisi itiplɛkɔ titsu loo tiglo kinɛ ɛ, lɛ gi bɛmɔ Yesu u gi ɛɛga kuni yo aʋa a, xe atrába ní katapokpaa su i, belulu. Lɛ Yesu asi ba si, “Mlakíse lifu u, mɛ mlɛmɔ!”