Những câu Kinh Thánh phổ biến từ Yak 1

Chia sẻ

Mɛ benemi ba, isami iku mlo xe kufekedi ede ede ɛba mlɔ bede ʋa mɛ ɛ, lɛ ese linu si mlete si xe mlɔ kuziŋaa kwiŋa aʋa ní kufekedi uliɔ ya elue me e, libasɛ si mlaatani kɔ onu kulɛɛ.

Pɔ̀ xe kuboete kúma ní mlɔ mɛ ɔtɔ awla ɛ, ɔniliɛ klɔ oʋi Aya tɔ aaki yɛ, lɛ ese linu si Aya izɛɛkɔ ɔnɔ kakaa faã ni lipomepɛpɛ.

Mɛ benemi balɔlɔ nɛ ba, lilɛ si mlaplɛ aŋu lɛ ya aʋa, Ɔnɔ kakaa ɔkɔsi ní liboe le kununu yo me, pɔ̀ ɔplɛ litɔ kese xe aapani i, lɛ ɔplɛ litɔ kese xe aayeʋi isu u.

Mledi lɛ aʋa si mlɔ eboe la onu kulɛlɛɔ kwigbani mlɔ ɛtsinɔ ní ɔtɔ, tɔ mlakígleʋe e, tɔ mlaatsì, atɔ mlana ní kidɔ kakaa mɛ.

Mlakímeni isu gani yɛ liboe le tètè kununu me ko o, boŋu i, mlakɔ lɛ akpɛ axwɛwawa mɛ.

Isami iku ɔniliɛ klɔ gi aalɛ ní yɛ kuziŋa aʋa a, xe ɔlɛ kufekedi me e, lɛ ese linu si xe aŋa kufekedi uliɔ ya aʋa ɛ, aazɛ ŋwisi yɛ liʋɛ tsatsa kinɛ ɛ, ligbã́ɛ nɛ gi Aya aka aplɛ ɛ, aki banama gi bɛlɔ yɛ ɛ.

Kidɔkɔkɔ gbã kakaa ni kidɔflɔflɔ kakaa kidɔ ní lifunu ne, lɛ kiple edɔ ɛdɔni Aya kɔ ɔniliɛ gi yɛ abitɛ lifunu ne kuklekleo o, gi oʋítsrɛ ŋwisi kuklekle ní litumu kinɛ ɛ.

Ɔniliɛ gi izenu liboe le e, xe ɔʋíwa lɛ su axwɛ ɛ, ɔlɛ ko ŋwisi onyime ɔtɔ gi izedi azinzi yɛ mɛ ɛ, xe izɛmɔ isu ya kiliɛ gi ɔlɛ kinɛ ɛ. Lɛ xe edi isu ya mɔmɔmɔ ɔ, xe asɛ ɛ, kɔ edze yɛ kilɛlɛɛ kyɔŋ.

Kusɔli uliɔ gi Aya, blɔ Ɔkaɛ akɔ si kwidra a, xe kesetata káma ní kɔsu i, kɔ kunu si, tɔ mledi bebi ba gi ba bapɔnɛ ba betse e, ni batrɛtrɛ ba bedze ba aʋa, ní ba ɔzia nɔ mɛ, ani tɔ mlebu isu adɔni kelea mɛ kuzimizi kakaa mɛ.

Xe kufekedi uliɔ ya elu kwiba ɔnutɔ aʋa ɛ, ɔkipani si, “Aya eefeke ye edi i.” Lɛ ese linu si bátratani Aya kufekedi nì eboe zimizi i, lɛ yɛ ɔtutɔ fɛ, óʋifeke ɔnɔnɔ odi i. Pɔ̀ kufekedi kuzɛɛba ɔnɔ aʋa, xe yɛ ɔtutɔ bapɛ́pɛ nyani nyani ʋa bemeni ye e, xe behe ye zɛkpɛ kufekedi yo me e.

Lilɛ si isami iku ɔsɔlisɔli liɛ klɔ gi onu opiplinete e, xe Aya emuni ye e