Những câu Kinh Thánh phổ biến từ Hebr 13

Chia sẻ

Mlakíki tɔ mlɔ agbã́ na ezè ní kibɔɛ kudimɛnɔɔ su, lɛ kidiliɛ gi kilɛ ní mlɔ awla ɛ, mlaki tɔ kiku mlɔ aŋu lɛ ese linu si Aya apani si, “Mátrayurɔ mlɔ liwewe mátrakyi kede ekpɛ mlɔ liwewe.”

Yesu Kristo onu ɔnɔ gi oʋikyi i, kiliɛ gi eze azanɔ ɛ, nite ɔlɛ abla lɛ nite ke atráze kɔtsinɔ kanɔmɛ anɔmɛ.

Lɛ loso kwipani nì likla trɔtrɔ si, “Ɔkaɛ yɛ onu mɛ ɔpɔnɔpɔnɔɛ, matrase lifu u; ege ɔnɔ aatani mɛ kubitɛ ɛ.”

Lɛ mlakídze eboe gbã kubitɛ ni bidɔ mɛ kulɛlɛ nì mlɔ ahanuglɔ ba, lɛ ese linu si bidɔkɔkɔɛ bɛ ya elue bizeeku Aya aŋu.

Lɛ loso e, mlaki tɔ gani Yesu aʋa ɛ, kukɔ blɔ inugu le tɔ kukɔ zɛkpɔ Aya lipoe kakaa; ŋwisi bidɔ pɔʋi pɔʋi gi bizɛɛkɔ ní ɔdɔpɔʋisuʋɔ lɔ aʋa kinɛ ɛ, blɔ inugu le tɔ kukɔ zɛdra yɛ linyi ne su.

Mlɔ pɔ́ mlakpɛ kubùbù yo ní kudzɛgbanɔɔ nì kunyimezenoo su, lɛ ɔnɔnɔ ɔkido ní yɛ ɔhanuglɔɛ aʋa si yizɛɛŋa kuglɔ ɔ; lɛ ese linu si Aya aaxwa litsi ni bahasi nɛ ba ni bawawadze ba ani banama gi bizɛga ɔma mɛ ɛ.

Mlaplɛ aŋu tɔ mlazɛ bababa ba; lɛ ese linu si gani kiboebitɛ liɛ ya mɛ ɛ, banɔ batɔ bɛzɛ Aya yɛ baxwɛdzɛ ba gi béte e.

Atɔ kusuyɔ Aya gi gani kunyanya vuvu yɔ gi kulɛ tsinɔ ɛ, kɔ ika lɛ mɛ, xe agbani blɔ Ɔkaɛ Yesu adɔni bekpo ʋa mɛ ɛ, yɛ Yesu gi onu iʋesi le ɔgbanɔgbanɔ ʋidi ye, ɔki mlɔ kidɔ gbã kakaa gi kiaziã tɔ mlabitɛ ní yɛ kupɛpɛɔ aʋa; atɔ ɔbitɛ kidiliɛ gi kiku yɛ aŋu ní blɔ mɛ gani Yesu Kristo aʋa, gi yɛ kwiakɔ kukpɔ̀kpɔ̀ kɔ dɔni kanɔmɛ kɔtsinɔ kanɔmɛ! Atɔ liba lɛ mɛ.