Những câu Kinh Thánh phổ biến từ Lom 5

Chia sẻ

Mbá Bandɔ́mɛsɛ́ ŋaá basɔ́ tóŋínyí anyána u naŋa waá basɔ́ lénéke buéŋí ekúlú eyí Kilís ŋe keé wé a yáásɔ́ asana, ɛ́cɛ tua sɔánáŋa bakɛla maabɛ́.

Aáná maasɔ́ mɔŋɔlɛ́ eémé tɛ á bá maháyánɔ́ e etémbí ne etémbí, ananyía Bandɔ́mɛsɛ́ ŋaá basɔ́ tóŋínyí anyána u naŋa waá basɔ́ lénéke e elime ci *Efúúménénú yí Elilé ayɛ́ u ŋaá háya aasɔ́ ɛ ɛtɛ́má noómi.

Ɔ ɔhɔla aáná, tu ŋe sú bíléne buéŋí tɔ́na ekúlú ayɛ́ tu ŋa sɔ́ lɔ́kɔ́ma muuyé, anyía ekúlú ayɛ́ tu ŋa sɔ́ lɔ́kɔ́ma muuyé, mu ŋaá basɔ́ ɔɔ́lɔ o oweéhínyínyi. Oweéhínyínyi ŋɔ yɔ́ɔlɔ anyía ɔɔcɔ á yákána a mɔkɔkɔnana. Nyɛyákána a mɔkɔkɔnana ŋe yiínjie mɔŋɔlɛ́ ɔ ɔtɛ́má noómi.

Háyɛ yááŋa aáná, Bandɔ́mɛsɛ́ má kɛ́la anyía tuásɔ́ bámɔ́kɔ́na bɛtálɛ́mánánɔ́ bɛ́ baacɔ eeyé eé buúse ananyía tu ŋa sɔ́ háya mɔŋɔlɛ́ nááyá. Aámbáya tua sɔáŋa balatánɔ́ e bumbénú ne wuúci e elime ci uusú Otéŋí a Waáŋá Yésus Kilís. Wuúci oócí u ŋaá basɔ́ tóŋínyi ohónyí anyía Bandɔ́mɛsɛ́ á basɔ́ bóósíki anyía tu ŋa sɔ́ háya mɔŋɔlɛ́ nááyá ; aáná tú me sú bíínjie olíhe a yaála yí nuubo eéyí noómi, tu bílénéke buéŋí [na mɔŋɔlɛ́] anyía Bandɔ́mɛsɛ́ káá basɔ́ iínjie nuafa eeyé e nuúmi.

Yááŋa anyía e ekúlú ayɛ́ Bandɔ́mɛsɛ́ ŋaá sɔ́mbɔ́tɔ́ná, *Kilís ŋe keé wé a yáásɔ́ asana, basɔ́ bakɛla maabɛ́. Tu ŋa sɔ́ bá e ekúlú eéyé tɛ́ka na makɛ́nda me obínóhi basɔ́ bɛ́muátá.

Aámbáya ayɛ́ Kilís ŋeé wééné a yaasɔ́ asana, Bandɔ́mɛsɛ́ maá kɛ́la anyía túásɔ́ bámɔ́kɔ́na bɛtálɛ́mánánɔ́ bɛ́ baacɔ eeyé eé buúse ; ɛ́ɛhɛ́ yɛ́ ŋaá lɔ́kɔ́mána ɔ ɔhɔla anyía Kilís káá basɔ́ háŋɔ́náka e hilóbi hɛ́ Bandɔ́mɛsɛ́.

Yááŋa tɔ́na anyía bɔnyɛ baacɔ á bɔ́ŋa bakɛla maabɛ́ e elime cɛ ɔɔcɔ ɔmɔtɛ́ ; wuúci u ŋaá kɛ́lákɛ́na Bandɔ́mɛsɛ́ aatɔ́ ɔnata. Híáná tɔ́na, Bandɔ́mɛsɛ́ ŋaá kɛ́la anyía bɔnyɛ baacɔ á bámɔ́kɔ́na bɛtálɛ́mánánɔ́ bɛ́ baacɔ eeyé eé buúse e elime cɛ ɔɔcɔ ɔmɔtɛ́, Yésus Kilís ; wuúci u ŋeé wuúci lɔ́kɔ́mákɛ́ná.

Tɛ́ cáŋa ɔmanɔ́ oócí : Tu ŋe sú bíléníne tɔ́na buéŋí Bandɔ́mɛsɛ́ e elime ci Yésus Kilís, uusú Otéŋí a Waáŋá ; wuúci u ŋaá basɔ́ láta e bumbénú aámbáya na basɔ́ na Bandɔ́mɛsɛ́.