Những câu Kinh Thánh phổ biến từ Golle Nelaaɓe 2

Chia sẻ

Piyeer jaabii ɓe, wii: —Tuubee, gooto e mooɗon fuu lootiree lootogal batisima e innde Iisaa Almasiihu, yalla oɗon keɓa yaafeede luutti. Nden on ndokkete Ruuhu Ceniiɗo.

Eɓe njokki waaju nelaaɓe ɓee, eɓe nanngondiri e deental maɓɓe ngal, eɓe taƴa buuru, kasen eɓe ngaɗida duwaawuuji.

Ɓe fuu ɓe keewi Ruuhu Ceniiɗo, ɓe puɗɗi haalde ɗemɗe janane no Ruuhu oo hokkiri ɓe ɓe kaala nii.

Oon wakkati fuu, dillere wa'unde no henndu mawndu nii iwri dow kammu, hebbini suudu ɗo ɓe njooɗii ɗoo fuu. Ko wa'i no ɗemɗe yiite nii ɓanngani ɓe. Ɗe peccii, ɗe pawii e gooto maɓɓe fuu. Ɓe fuu ɓe keewi Ruuhu Ceniiɗo, ɓe puɗɗi haalde ɗemɗe janane no Ruuhu oo hokkiri ɓe ɓe kaala nii.

Ɲannde fuu ɓe kawritan ley Suudu Dewal Mawndu nduu, ɓe laatii daande wootere, eɓe taƴa buuru, eɓe ɲaamda ley cuuɗi maɓɓe ley weltaare e seyo. Eɓe njetta Laamɗo, yimɓe fuu ana njiɗi ɓe. Ɲannde fuu Joomiraaɗo ana ɓeydana deental ngal hisooɓe.

«Laamɗo wii: E ley ɲalaaɗe cakitotooɗe ɗee mi saakan Ruuhu am e dow tagaaɓe fuu. Ɓiɓɓe mooɗon worɓe e rewɓe kaaliran hono no annabaaɓe nii, jokolɓe mooɗon njiyan ko ƴellitii e mum'en, nayeeɓe mooɗon koyɗinte.

Goonɗinɓe ɓee fuu yo daande wootere, ɓe ngaɗi fii maɓɓe fuu foroba. Ɓe cootti jawleele maɓɓe, ɓe ndokki gooto fuu ko hasindini e muuɗum.

Nden, neɗɗo fuu nodduɗo innde Joomiraaɗo hisinte.»

Fade ɲannde gartol Joomiraaɗo mawnde teddunde ndee warde, naange niɓɓan, lewru wojjan hono no ƴiiƴam nii.