Những câu Kinh Thánh phổ biến từ متّی ۲۸

Chia sẻ

پس بیشید و تومامٚ قومأنَ شاگرد چأکونید، و اوشأنَ پئر، پسر و روح‌القدسٚ نامٚ اَمرأ تعمید بدید و اوشأنَ تعلیم بدید کی هر اونچی کی شمرَ فرمان بدَم، بجا بأورید. وأ بدأنید کی من هر روزه تا آخرٚ اَ دونیا شیمی اَمرأ ایسَم!»

بأزین عیسی اوشأنٚ ورجأ بمو بفرمأسته: «تومامی‌یٚ قودرت آسمان و زیمینٚ سر مرَ بیسپرده بوبوسته.

بأزین فرشته زنأکأنَ بوگفته: «نوأ ترسئنید! دأنم کی عیسی دونبأل گردیدی کی مصلوب بوبوسته. اون اَیه نِیسه، چونکی هَطو کی بفرمأسته‌بو، رستاخیز بوکوده! بأیید جایی کی اون خوفته‌بو، بیدینید،

او وخت عیسی اوشأنَ بفرمأسته: «نوأ ترسئنید! بیشید و می برأرأنَ بیگید کی رأ دکفید بیشید جلیل. اویه مرَ دینیدی.»

اوشأنم بعدٚ اَنکی قومٚ پیله کسأنٚ اَمرأ مشورت بوکودیدی، سربازأنَ پولٚ زیادی فدَه‌ییدی و بوگفتیدی: «مردومَ بیگید کی ‹وختی کی اَمأن خوفته‌بیم، اونٚ شاگردأن شبانه بموییدی و اونٚ جسدَ بودوزدأنه‌ییدی.› و اگه اَ خبر والی گوش فأرسه، اَمأن خودمأن اونَ راضی کونیم تا شِمره مشکل پیش نأیه.» بأزین سربازأن پولَ فیگیفتیدی و هوطویی کی اوشأنَ بوگفته‌بید، انجام بدَه‌ییدی و اَ داستان تا به ایمروز یهودیأنٚ میأن شایع ایسه.