TANONG

Ano ba ang gagawin mo kung malalaman mo,

Si Hesu Kristo ay kumakatok sa iyong puso?

Ipagwawalang bahala ba o siya'y pagbubuksan ng pinto?

Halina't bilisan mo sapagkat mahalaga ang bawat segundo.

Hanggang saan aabot ang iyong pananampalataya?

Kung buhay na walang hanggan ang nakataya.

Kayamanan, luho, bisyo pati pakiramdam kaya bang ipagparaya?

Kung ang nais mo sa rehas ng kasalanan ay maging malaya.

Ikaw ba ay naguguluhan at nagdadalawang-isip?

Kung ang daang tinatahak ay tama sapagkat ito'y masikip,

Tanong mo; " O Diyos pangako mo'y buhay na masaya at walang hanggan,

Bakit hanggan ngayo'y hindi ko ito maramdaman sa halip ako ngayon ay nahihirapan?

Sagot Niya; " Manalig ka anak at sa pakiramdam ay huwag maniwala.

Gawin ang TAMA at hindi ang sa akala mo lang ay tama,

Kaunting tiis sapagkat tayo ay malapit nang magkita,

Krus ay pasanin at sumama ka sa Akin,

At buhay na walang hanggan ay makakamit mo sa Aking piling.

Kung gusto mong magtiwala sa Diyos, ito ang isang panalangin na puwede mong sundan:

Panginoong Hesus, salamat sa pagmamahal Mo sa akin at sa magandang plano Mo para sa buhay ko. Patawad dahil namuhay ako ng wala Ka. Salamat Hesus na namatay Ka at muling nabuhay muli para sa aking mga kasalanan. Gusto kong magtiwala sa Iyo. Pumasok Ka sa puso ko at maging Panginoon at Tagapagligtas ko. Gusto kong maranasan ang tunay na pag-ibig, kapayapaan at seguridad na sa Iyo lang nanggagaling. Tulungan Mo akong mamuhay ng ayon sa gusto Mo. Amen.

Kung ikaw ay nanalangin ng nakasulat sa taas, gusto naming makipag-ugnayan sa iyo at matulungan ka sa paglago. Maari kang magpadala ng mensahe sa aming Facebook page sa pamamagitan ng link na ito: https://m.me/cruph. Sabihin na nabasa mo ang Apat na Tula mula sa YouVersion. Pagpalain ka ng Diyos!