Mag One-on-One with GodHalimbawa

Ikalawang Araw: Ang Kahalagahan ng Pananampalataya

Nasubukan mo na bang magdasal pero bago ka pa tumawag sa Panginoon ay inisip mo nang hindi mo matatanggap ang iyong hihingiin? Tulad iyan ng isang Christian leader na inihanda ang kanyang team for prayer. Sinabi niya, “Pray for funds! Ang laki ng ating deficit at ilang araw na lang before the end of the month. Let’s pray even if we know we won’t meet our budget.” Ano kaya ang reaction ng Diyos in hearing doubting words that He will not answer our prayers?

“Kung may magagawa ako?” ang tanong ni Jesus sa amang dinala ang kanyang anak na sinasapian ng masamang espiritu upang ihingi ito ng kagalingan. “Mangyayari ang lahat sa sinumang may pananampalataya”, ang sagot ni Jesus sa ama (Marcos 9:23). Sino sa palagay mo ang unang tumanggap ng kagalingan: ang anak o ang ama? “Agad namang sumagot ang ama ng bata, ‘Naniniwala po ako! Tulungan po ninyo akong madagdagan pa ang aking pananampalataya’” (v.24).

Tandaan na “ang sinumang lumalapit sa Diyos ay dapat sumasampalatayang may Diyos na nagbibigay ng gantimpala sa mga nanalig sa kanya” (Mga Hebreo 11:6). Walang power ang iyong prayer kung hindi ka naniniwala sa power ng ating Diyos na sagutin ka!

Pag-isipan:

1.Basahin ang salaysay sa Marcos 9:14-27. Bakit kailangan ng pananampalataya ang sinumang lalapit sa Diyos?

2.Paano mo palalaguin ang iyong pananampalataya sa Diyos?