Lahat ay Gustong Manalo Ngunit Walang May Gustong MaghintayHalimbawa

Hihilumin ng Diyos ang Iyong Puso, Isipan, at Katawan

Kadalasan ang panahon ng paghihintay ng isang tao ay siya ring kanyang panahon ng paghilom. Sa halip na ipako ang isip sa pagtanggap ng isang sinagot na panalangin sa panahong ito, ano kaya kung pagtuunan mong maging malusog muli? Oo, kabilang dito ang pisikal, emosyonal, at espirituwal na kalusugan.

Habang ikaw ay naghihintay sa Diyos, napakahalagang makita mo ang mga aspeto ng iyong buhay kung saan kailangan mo ng paghihilom. Ang paghihilom ay hindi limitado sa pisikal na paggaling. Ang paghilom ay maaari ring mangyari sa iyong isipan. Ang paghilom ay maaari ring maganap sa iyong mga emosyon.

Ang Salita ng Diyos ang nagsisilbing lunas mo. Handa ang Diyos na bigyan ka ng lahat ng iyong kakailanganin upang lubusang gumaling. Ngunit hindi mo maaaring diktahan ang Diyos kung paano mo nais mapagaling. Dapat mong hayaan ang Diyos na hilumin ka sa paraang Nais niya. Dapat mong pagkatiwalaan ang Diyos at ang Kanyang proseso. Hindi man ganoon kabilis ang proseso tulad ng iyong ninanais, ngunit dapat kang maniwala na ang proseso ng Diyos ay ang pinakamainam para sa iyong buhay.

Ang katotohanan ay lahat ng sakit na itinataas sa Diyos ay maghihilom. Hindi mahalaga kung gaano kabigat ang sakit na napagdaanan mo sa nakaraan. Hihilumin Niya ang iyong katawan, puso, at isipan, at gagawin Niya itong maganda muli.