Lahat ay Gustong Manalo Ngunit Walang May Gustong MaghintayHalimbawa

Lumabas mula sa iyong mga Nakasanayan

Araw-araw nagbabago ang ating buhay. Nagbabago ang ating mga relasyon. Nagbabago ang ating trabaho. Kahit na sa ating mga kalooban ay may mga pagbabago rin. Walang mali sa pagbabago, subalit habang natutuklasan natin at ipinamumuhay ang ating layunin habang naghihintay sa Diyos, may mga bagay na kailangan nating gawin. Ang buhay ay puno ng pagkamalikhain. Maging malikhain habang tinutuklas mo ang iyong layunin. Ano ang nagpapaalab ng iyong damdamin? Habang naghihintay ka sa Diyos na lubusang palakarin ka sa iyong layunin, gawin mo kung ano ang pinakagusto mong gawin.

Bukod dito, gawin mo ang isang bagay na hindi mo pa nagagawa. Hilingin mo sa Diyos na gumawa ng isang bagong bagay sa iyo upang hindi ka manatili sa iisang lugar magpakailanman. Ang iyong layunin ay higit sa paggawa ng mga bagay na komportable ka. Kailangan mong humakbang paakyat at humakbang palabas. Hayaan ang mainit na kagalakan at pag-ibig ng Diyos na maging bahagi ng iyong buhay. Maglaan ng oras upang tumuon sa pagtulong sa iba. Anuman ang ginagawa mo, huwag subukang gayahin ang layunin ng iba. Magpakatotoo ka. Makinig sa tinig ng Diyos at pahintulutan Siyang pangunahan ka at gabayan ka sa iyong layunin. Nais ng Diyos na ipamuhay mo ang iyong layunin nang lubos, maranasan ang kabuuan ng buhay, upang magkaroon ng isang sariwang karanasan ng mabuting buhay sa bawat araw.