Hindi OkayHalimbawa

Isipin ang gamit na kailangan mo sa paglalaro ng football. Ito ay hindi lamang ang helmet (bagaman iyon ay isang medyo mahalagang bahagi). Kasama rin ang mga shoulder pads, ang thigh pads, ang knee pads, ang cleats, at ang chin guard.

Maliban kung naglalaro ka nang malimit ng football, maaaring hindi mo alam kung para saan ang mga ito. Importante ba talaga ang may chin guard? At bakit kailangan mo ng mga cleat? Hindi ba gagana ang regular na lumang running shoes?

Pero 'yun nga 'yun. Alam ng mga taong matagal nang naglalaro kung gaano kahalaga na magsuot ng mga tamang gamit. Ito ay hindi lamang para sa proteksyon ng mga manlalaro. Ang tamang kagamitan ay tumutulong sa kanila na maglaro nang mas mahusay. Kapag nasa mga manlalaro ng football ang lahat ng kailangan nila, mas malamang na manalo sila.

Ang Biblia ay nagsasabi rin tungkol sa isang partikular na uri ng kagamitan. Ang buhay ay maaaring nakakatakot, na maraming bagay na nakakapagpabagabag at nakakapag-alala. Mas matutugunan mo ang mga pagkabagabag at mga alalahaning iyon. . . kung may tamang kagamitan ka.

Sa pagbabasa ng Biblia ngayon, binanggit ni Pablo ang tungkol sa baluti ng Diyos. Isipin ito bilang isang uri ng checklist para sa mga kagamitan na kailangan mo sa buong araw. Tingnan ang "gear" na inirerekomenda niya para sa iyo. Paano mo matitiyak na ganap kang nababagay at handang harapin ang mga hamon ngayon?