Ang Pagod na Mundo ay Nagagalak — isang Plano sa Pagbasa ng Muling PagdatingHalimbawa

Dumating na ang oras—isinilang ang Tagapagligtas! Ang dahilan kung bakit tayo nagdiriwang ng Pasko! Ngunit hindi ito ang eksaktong paraang inakala ng marami kung paano darating ang Mesias.

Si Jose ay mula sa lahi ni David at ayon sa isang kautusan, nangangahulugan ito na si Jose at ang kanyang pamilya ay kailangang maglakbay sa Bethlehem para sa isang sensus. At kahit na hindi ito akma sa inaasahan ng tao, naisakatuparan nito ang hula na ang Tagapagligtas ay isisilang sa Bethlehem (Mikas 5:2).

Subalit, nang si Jose at ang kagampan na si Maria ay dumating, wala nang natitirang silid sa bayan. Ang natitira ay isang sabsaban sa isang kuwadra. Isang hamak na lugar para sa kapanganakan ni Jesus.

Maaari naman sanang itakda ng Diyos na ipanganak si Jesus sa isang palasyo—o kahit papaano sa isang magandang kama. Ngunit hindi Niya ginawa iyon. Sa halip, ipinadala ng Ama ang Kanyang bugtong na anak sa pinakamababang kalagayan. Marahil upang ipahiwatig na ang lahat ng gagawin ni Jesus ay makikita sa pagpapakumbaba. Si Jesus ay laging lalabag sa inaasahan ng tao.

Tandaan na ang Diyos na ating pinaglilingkuran ay mapagpakumbaba at mababang puso. Ngunit tandaan din natin na kaya Niya at gustong gawin ang mga bagay na higit na kakaiba sa maari mong isipin.