Babasahing Gabay na Ang Mas Mabuti

Bagong Nilalang: Mga Susunod na Hakbang para sa Bagong Buhay

Paglilinis ng Kaluluwa

Banal na mga Damdamin - Maka-Bibliang Tugon sa Bawat Paghamon

Isang Kidlat na Kagalakan

Tatlumpu't Isang Katotohanan: Sino Ako Kay Cristo

Araw-araw ng Debosyon kasama si Greg Laurie

Pagtitiwalang ang Diyos ay Mabuti Kahit Anupaman

Kutamaya Ng Diyos - Mga Gawa

LIWANAG - Si Hesus Ang Liwanag ng Mundo at Dinadala Niya Tayo sa Buhay sa Kanya

<div class="version vid399 iso6393tgl" data-vid="399" data-iso6393="tgl">
 <div class="book bkMRK">
 <div class="chapter ch3" data-usfm="MRK.3">
 <div class="label">3</div><div class="s">Pinagaling ang Lalaking Paralisado ang Isang Kamay</div><div class="r">(Mt. 12:9-14; Lu. 6:6-11)</div><div class="p"> 1Muling pumasok si Jesus sa sinagoga. Naratnan niya roon ang isang lalaking paralisado ang isang kamay. 2May ilang taong naroroon at inaabangan kung pagagalingin ni Jesus ang lalaking iyon sa Araw ng Pamamahinga, upang may maiparatang sila laban sa kanya. 3Tinawag ni Jesus ang lalaking paralisado ang kamay, &#8220;Halika rito!&#8221; 4Pagkatapos, tinanong naman niya ang mga tao, &#8220;Alin ba ang naaayon sa Kautusan, ang gumawa ng mabuti, o ang gumawa ng masama sa Araw ng Pamamahinga? Ang magligtas ng buhay, o ang pumatay?&#8221;</div><div class="p">Ngunit sila'y hindi sumagot. 5Tiningnan ni Jesus ang mga taong nakapaligid sa kanya. Galit at lungkot ang naramdaman niya dahil sa katigasan ng kanilang mga puso. Pagkatapos, sinabi niya sa maysakit, &#8220;Iunat mo ang iyong kamay.&#8221; Iniunat naman ng lalaki ang kanyang kamay at ito'y gumaling. 6Umalis ang mga Pariseo at agad nakipagsabwatan sa mga tagasunod ni Herodes upang maipapatay si Jesus.</div><div class="s">Ang Napakaraming Tao sa Tabi ng Lawa</div><div class="p"> 7Umalis si Jesus at ang kanyang mga alagad at sila'y nagpunta sa tabi ng lawa. Sinundan siya roon ng napakaraming taong buhat sa Galilea, sa Judea, 8sa Jerusalem, sa Idumea, sa ibayo ng Jordan, at sa palibot ng Tiro at Sidon. Sumunod sila kay Jesus dahil nabalitaan nila ang lahat ng ginagawa niya. 9Dahil#Mc. 4:1; Lu. 5:1-3. napakarami ng mga tao, inutusan ni Jesus ang kanyang mga alagad na maghanda ng isang bangkang masasakyan niya upang hindi siya maipit ng mga taong dumaragsa. 10Sapagkat marami na siyang pinagaling, dinudumog siya ng lahat ng maysakit upang mahawakan man lamang siya. 11Bawat taong sinasapian ng masamang espiritu na makakita sa kanya ay nagpapatirapa sa harapan niya at sumisigaw, &#8220;Ikaw ang Anak ng Diyos!&#8221; 12Ngunit mahigpit silang inutusan ni Jesus na huwag ipagsabi kung sino siya.</div><div class="s">Ang Pagpili ni Jesus sa Labindalawang Apostol</div><div class="r">(Mt. 10:1-4; Lu. 6:12-16)</div><div class="p"> 13Pagkatapos nito, umakyat si Jesus sa bundok kasama ang mga taong pinili niya at sumunod sa kanya. 14Buhat sa mga taong iyon ay pumili siya ng labindalawa na tinawag niyang mga apostol.#14 na tinawag niyang mga apostol: Sa ibang manuskrito'y hindi nakasulat ang mga salitang ito. Hinirang niya ang mga ito upang maging kasa-kasama niya at upang suguing mangaral. 15Sila ay binigyan din niya ng kapangyarihang magpalayas ng mga demonyo. 16Ito ang labindalawang hinirang niya:#16 Ito ang&#8230;hinirang niya: Sa ibang manuskrito'y hindi nakasulat ang mga salitang ito. si Simon, na pinangalanan niyang Pedro; 17sina Santiago at Juan na mga anak ni Zebedeo, sila'y tinawag din niyang Boanerges, na ang kahulugan ay &#8220;mga anak ng kulog&#8221;; 18sina Andres, Felipe, Bartolome, Mateo, Tomas, Santiago na anak ni Alfeo, si Tadeo, si Simon na Makabayan, 19at si Judas Iscariote na siyang nagkanulo kay Jesus.</div><div class="s">Si Jesus at si Beelzebul</div><div class="r">(Mt. 12:22-32; Lu. 11:14-23; 12:10)</div><div class="p"> 20Pag-uwi ni Jesus, muling nagkatipon doon ang napakaraming tao kaya't hindi na sila nagkaroon ng pagkakataong kumain pa. 21Nang mabalitaan iyon ng kanyang mga kasambahay, sila'y pumaroon upang sawayin siya#21 sawayin siya: o kaya'y isama siya pauwi. dahil sinasabi ng mga tao na siya'y nasisiraan ng bait.</div><div class="p"> 22Sinasabi#Mt. 9:34; 10:25. naman ng mga tagapagturo ng Kautusan na galing sa Jerusalem, &#8220;Sinasapian siya ni Beelzebul. Nakapagpapalayas siya ng demonyo sa pamamagitan ng kapangyarihan ng pinuno ng mga demonyo!&#8221;</div><div class="p"> 23Dahil dito, pinalapit ni Jesus ang mga tao at sinabi sa kanila ang ilang talinhaga. Sabi niya, &#8220;Paanong mapapalayas ni Satanas ang kanyang sarili? 24Kapag naglaban-laban ang mga mamamayan ng isang kaharian, hindi magtatagal, mawawasak ang kahariang iyon. 25Kapag naglaban-laban naman ang mga magkakasambahay, hindi rin magtatagal ang sambahayang iyon. 26Gayundin naman, kapag naghimagsik si Satanas laban sa kanyang sarili at magkabaha-bahagi ang kanyang nasasakupan, hindi magtatagal at darating ang kanyang wakas.</div><div class="p"> 27&#8220;Subalit hindi maaaring pasukin at pagnakawan ang bahay ng isang taong malakas malibang gapusin muna siya. Kapag siya'y nakagapos na, saka pa lamang mapagnanakawan ang kanyang bahay. 28Tandaan ninyo ito: maaaring patawarin ang tao sa lahat ng kanyang kasalanan at paglapastangan, 29ngunit#Lu. 12:10. ang sinumang lumapastangan sa Espiritu Santo ay walang kapatawaran, sapagkat ito ay walang hanggang kasalanan.&#8221; 30Sinabi ito ni Jesus sapagkat sinasabi ng mga tao na siya'y sinasapian ng masamang espiritu.</div><div class="s">Ang Ina at mga Kapatid ni Jesus</div><div class="r">(Mt. 12:46-50; Lu. 8:19-21)</div><div class="p"> 31Dumating ang ina at mga kapatid ni Jesus. Sila'y nasa labas ng bahay at ipinapatawag siya. 32Nang oras na iyon ay maraming taong nakaupo sa palibot ni Jesus. May nagsabi sa kanya, &#8220;Nasa labas po at naghihintay ang inyong ina at mga kapatid.&#8221;</div><div class="p"> 33&#8220;Sino ang aking ina at mga kapatid?&#8221; tanong naman ni Jesus. 34Tumingin siya sa mga nakaupo sa palibot at sinabi, &#8220;Sila ang aking ina at mga kapatid! 35Sapagkat ang sinumang sumusunod sa kalooban ng Diyos ay siyang aking ina at mga kapatid.&#8221;</div>
 </div>
 </div>
</div>

<div class="version vid399 iso6393tgl" data-vid="399" data-iso6393="tgl">
 <div class="book bkMRK">
 <div class="chapter ch4" data-usfm="MRK.4">
 <div class="label">4</div><div class="s">Ang Talinhaga Tungkol sa Manghahasik</div><div class="r">(Mt. 13:1-9; Lu. 8:4-8)</div><div class="p"> 1Muling#Lu. 5:1-3. nagturo si Jesus sa tabi ng Lawa ng Galilea. At dahil nagkatipon sa paligid niya ang napakaraming tao, siya'y sumakay at umupo sa isang bangkang nasa tubig. Nanatili naman ang karamihan sa may dalampasigan, 2at sila'y tinuruan niya ng maraming bagay sa pamamagitan ng mga talinhaga. Ganito ang sinabi niya: 3&#8220;Makinig kayo! May isang magsasakang lumabas upang maghasik ng binhi. 4Sa kanyang paghahasik ay may mga binhing nalaglag sa daan. Dumating ang mga ibon at tinuka ang mga iyon. 5May mga binhi namang nalaglag sa batuhan. Bagama't kaunti lamang ang lupa roon, agad sumibol ang mga binhing iyon. 6Ngunit nang tumindi ang sikat ng araw, nalanta at natuyo ang mga binhing tumubo, palibhasa'y hindi ito masyadong nag-ugat. 7May mga binhi namang nalaglag sa may damuhang matinik; nang lumago ang mga damo, sinakal nito ang mga binhing tumubo, kaya't hindi nakapamunga ang mga binhi. 8At may mga binhi namang nalaglag sa matabang lupa. Ang mga ito ay tumubo, lumago, at namunga nang marami; may nagkabutil ng tigtatatlumpu, tig-aanimnapu, at tigsasandaan.&#8221; 9Sinabi pa ni Jesus, &#8220;Makinig ang may pandinig.&#8221;</div><div class="s">Ang Layunin ng Talinhaga</div><div class="r">(Mt. 13:10-17; Lu. 8:9-10)</div><div class="p"> 10Nang nag-iisa na si Jesus, ang ilan sa mga nakikinig ay lumapit sa kanya kasama ang Labindalawa. Hiniling nilang ipaliwanag niya ang talinhaga. 11Sinabi niya, &#8220;Ipinagkaloob na sa inyo ang karapatang maunawaan ang hiwaga tungkol sa kaharian ng Diyos, ngunit sa iba, ang lahat ng bagay ay itinuturo sa pamamagitan ng talinhaga. 12Nang#Isa. 6:9-10 (LXX). sa gayon,</div><div class="q1">&#8216;Tumingin man sila nang tumingin ay hindi sila makakakita,</div><div class="q1">at makinig man sila nang makinig ay hindi makakaunawa.</div><div class="q1">Kung gayon, sana'y nagbalik-loob sila sa Diyos</div><div class="q2">at nagkamit sana sila ng kapatawaran.&#8217;&#8221;</div><div class="s">Paliwanag sa Talinhaga Tungkol sa Manghahasik</div><div class="r">(Mt. 13:18-23; Lu. 8:11-15)</div><div class="p"> 13Pagkatapos, tinanong sila ni Jesus, &#8220;Hindi pa ba ninyo nauunawaan ang talinhagang ito? Paano ninyo mauunawaan ang iba pang mga talinhaga? 14Ito ang kahulugan ng talinhaga: ang binhing inihahasik ay ang mensahe tungkol sa kaharian ng Diyos 15at ang mga binhi namang nalaglag sa daan ay ang mga taong nakikinig sa mensahe ng Diyos. Pagkarinig nila'y dumating si Satanas at inalis ang mensaheng inihasik sa kanila.#15 sa kanila: Sa ibang manuskrito'y sa kanilang mga puso.</div><div class="p"> 16&#8220;Ang katulad ng mga binhing nalaglag sa batuhan ay ang mga taong nakikinig at malugod na tumatanggap sa mensahe ng Diyos. 17Subalit ang mensahe ay hindi tumitimo sa kanilang puso kaya't hindi sila nananatili doon. Pagdating ng kapighatian o pag-uusig dahil sa mensahe ng Diyos, agad silang sumusuko.</div><div class="p"> 18&#8220;Ito naman ang kahulugan ng mga binhing nalaglag sa may damuhang matinik. May mga taong nakikinig ng mensahe ng Diyos 19ngunit dahil sa alalahanin sa buhay na ito, pagkasilaw sa salapi, o kaya'y pagkahumaling sa ibang mga bagay, ang mensahe ay nawalan na ng puwang sa kanilang puso kaya't hindi ito nakapamunga.</div><div class="p"> 20&#8220;Ito naman ang kahulugan ng mga binhing nalaglag sa matabang lupa. May mga taong nakikinig at tumatanggap sa mensahe ng Diyos at namumunga nang masagana; may tigtatatlumpu, may tig-aanimnapu at may tigsasandaan.&#8221;</div><div class="s">Walang Lihim na Hindi Mabubunyag</div><div class="r">(Lu. 8:16-18)</div><div class="p"> 21Nagpatuloy#Mt. 5:15; Lu. 11:33. si Jesus ng pagsasalita. Sinabi niya, &#8220;Sinisindihan ba ang ilawan upang itago sa isang malaking takalan,#21 malaking takalan: Ang takalang nabanggit dito ay sinlaki ng sisidlang maaaring maglaman ng dalawang galong tubig. o kaya'y sa ilalim ng higaan? Hindi ba't kapag nasindihan na ay inilalagay ito sa talagang patungan ng ilaw? 22Walang#Mt. 10:26; Lu. 12:2. natatagong di malalantad, at walang lihim na di mabubunyag. 23Makinig ang may pandinig!&#8221;</div><div class="p"> 24Idinugtong#Mt. 7:2; Lu. 6:38. pa niya, &#8220;Unawain ninyong mabuti ang inyong naririnig.#24 Unawain ninyong&#8230;naririnig: o kaya'y Piliin ninyo ang inyong papakinggan. Ang panukat na ginagamit ninyo sa iba ay siya ring gagamiting panukat sa inyo, at higit pa roon. 25Sapagkat#Mt. 13:12; 25:29; Lu. 19:26. ang mayroon ay bibigyan pa, ngunit ang wala, kahit ang kakaunting nasa kanya ay kukunin pa.&#8221;</div><div class="s">Ang Talinhaga ng Binhing Tumutubo</div><div class="p"> 26Sinabi pa ni Jesus, &#8220;Ang kaharian ng Diyos ay maitutulad sa isang taong naghasik ng binhi sa kanyang bukid. 27Natutulog siya kung gabi at bumabangon kung araw. Samantala, ang binhi ay tumutubo at lumalago ngunit hindi alam ng naghasik kung paano. 28Ang lupa ang nagpapasibol at nagpapabunga sa mga pananim; usbong muna ang lumilitaw, saka ang tangkay; pagkatapos, nahihitik ito sa butil. 29Kapag#Joel 4:13. hinog na ang mga butil, agad niya itong ipagagapas sapagkat panahon na para ito'y anihin.&#8221;</div><div class="s">Ang Talinhaga ng Butil ng Mustasa</div><div class="r">(Mt. 13:31-32, 34; Lu. 13:18-19)</div><div class="p"> 30&#8220;Saan pa natin maihahambing ang kaharian ng Diyos? Anong talinhaga ang gagamitin natin upang mailarawan ito?&#8221; tanong ni Jesus. 31&#8220;Ang katulad nito ay butil ng mustasa na siyang pinakamaliit sa lahat ng binhi. 32Ngunit kapag itinanim, ito'y lumalago at nagiging pinakamalaki sa lahat ng tanim; ito'y nagkakasanga nang mayabong, kaya't ang mga ibon ay nakakapamugad sa lilim nito.&#8221;</div><div class="s">Ang Paggamit ng mga Talinhaga</div><div class="p"> 33Ipinangaral ni Jesus sa kanila ang mensahe sa pamamagitan ng maraming talinhagang tulad ng mga ito, ayon sa abot ng kanilang pang-unawa. 34Hindi siya nangaral sa kanila nang hindi gumagamit ng talinhaga; ngunit ipinapaliwanag niya ang mga ito sa kanyang mga alagad kapag sila-sila na lamang.</div><div class="s">Pinatigil ni Jesus ang Bagyo</div><div class="r">(Mt. 8:23-27; Lu. 8:22-25)</div><div class="p"> 35Kinagabiha'y sinabi ni Jesus sa mga alagad, &#8220;Tumawid tayo sa ibayo.&#8221; 36Kaya't iniwan nila ang mga tao at sumakay sila sa bangkang sinasakyan ni Jesus upang tumawid ng lawa. May iba pang mga bangkang nakisabay sa kanila. 37Habang naglalayag, inabot sila ng malakas na bagyo kaya't ang bangkang sinasakyan nila'y hinampas ng malalaking alon at ito'y halos mapuno na ng tubig. 38Si Jesus ay natutulog noon sa may hulihan ng bangka, nakahilig sa isang unan. Ginising siya ng mga alagad at sinabi, &#8220;Guro, bale-wala ba sa inyo kung mapahamak kami?&#8221;</div><div class="p"> 39Bumangon si Jesus at iniutos sa hangin, &#8220;Tigil!&#8221; at sinabi sa alon, &#8220;Tumahimik ka!&#8221; Tumigil nga ang hangin at tumahimik ang lawa. 40Pagkatapos, sinabi niya sa mga alagad, &#8220;Bakit kayo natatakot? Hanggang ngayon ba'y wala pa rin kayong pananampalataya?&#8221;</div><div class="p"> 41Natakot sila nang labis at namangha. Sabi nila sa isa't isa, &#8220;Anong klaseng tao ito? Pati hangin at lawa ay sumusunod sa inuutos niya!&#8221;</div>
 </div>
 </div>
</div>

<div class="version vid399 iso6393tgl" data-vid="399" data-iso6393="tgl">
 <div class="book bkEPH">
 <div class="chapter ch5" data-usfm="EPH.5">
 <div class="label">5</div><div class="s">Mamuhay Ayon sa Liwanag</div><div class="p"> 1Dahil kayo'y mga anak na minamahal ng Diyos, tularan ninyo siya. 2Mamuhay#Exo. 29:18; Awit 40:6. kayong puno ng pag-ibig tulad ni Cristo; dahil sa kanyang pag-ibig sa atin, inialay niya ang kanyang buhay bilang mabangong alay at handog sa Diyos.</div><div class="p"> 3Kayo'y mga hinirang ng Diyos, kaya't hindi dapat mabanggit man lamang na kayo'y nakikiapid o gumagawa ng anumang uri ng kahalayan o pag-iimbot. 4Huwag din kayong gagamit ng anumang malaswa o walang kabuluhang pananalita at pagbibirong di nararapat. Sa halip, magpasalamat kayo sa Diyos. 5Alam na ninyong walang bahagi sa kaharian ni Cristo at ng Diyos ang taong nakikiapid, mahalay, o sakim sapagkat ang kasakiman ay isang uri ng pagsamba sa diyus-diyosan.</div><div class="p"> 6Huwag kayong padaya kaninuman sa pamamagitan ng mga pangangatuwirang walang kabuluhan, sapagkat dahil nga sa mga ito, ang Diyos ay napopoot sa mga suwail. 7Kaya't huwag na kayong makikisama sa kanila. 8Dati, kayo'y nasa kadiliman, ngunit ngayo'y nasa kaliwanagan na, sapagkat kayo'y nasa Panginoon. Mamuhay kayo ngayon nang nararapat sa mga taong nasa liwanag. 9Sapagkat pawang mabuti, matuwid at totoo ang ginagawa ng namumuhay sa liwanag.#9 liwanag: Sa ibang manuskrito'y Espiritu. 10Pag-aralan ninyo kung ano ang kalugud-lugod sa Panginoon. 11Huwag na kayong makikisama sa mga taong gumagawa ng mga bagay na walang ibinubungang kabutihan. Sa halip ay ibunyag ninyo ang mga iyon. 12Kahiya-hiyang mabanggit man lamang ang mga bagay na iyon na ginagawa nila nang lihim. 13Ang lahat ng nalalantad sa liwanag ay nakikilala kung ano talaga ang mga iyon, 14at nalalantad ang lahat dahil sa liwanag.#14 at nalalantad ang lahat dahil sa liwanag: o kaya'y ang nalalantad ay nagiging liwanag. Kaya't sinasabi,</div><div class="q1">&#8220;Gumising ka, ikaw na natutulog,</div><div class="q2">bumangon ka mula sa libingan,</div><div class="q1">at liliwanagan ka ni Cristo.&#8221;</div><div class="p"> 15Kaya't mag-ingat kayo kung paano kayo namumuhay. Mamuhay kayong tulad ng matatalino at di tulad ng mga mangmang. 16Samantalahin#Co. 4:5. ninyo ang bawat pagkakataon na kayo'y makagawa ng mabuti sapagkat punung-puno ng kasamaan ang daigdig ngayon. 17Huwag kayong maging hangal. Unawain ninyo kung ano ang kalooban ng Panginoon.</div><div class="p"> 18Huwag kayong maglalasing, sapagkat mauuwi iyan sa magulong pamumuhay. Sa halip ay dapat kayong mapuspos ng Espiritu. 19Mag-awitan#Co. 3:16-17. kayo ng mga salmo, mga himno at mga awiting espirituwal; buong puso kayong umawit at magpuri sa Panginoon. 20Lagi kayong magpasalamat sa Diyos na ating Ama dahil sa lahat ng bagay, sa pangalan ng ating Panginoong Jesu-Cristo.</div><div class="s">Tagubilin sa Mag-asawa</div><div class="p"> 21Pasakop kayo sa isa't isa bilang tanda ng inyong paggalang kay Cristo.</div><div class="p"> 22Mga#Co. 3:18; 1 Ped. 3:1. babae, pasakop kayo sa sari-sarili ninyong asawa tulad ng pagpapasakop ninyo sa Panginoon. 23Sapagkat ang lalaki ang ulo ng kanyang asawa, tulad ni Cristo na siyang ulo ng iglesya, na kanyang katawan, at siyang Tagapagligtas nito. 24Kung paanong nasasakop ni Cristo ang iglesya, gayundin naman, ang mga babae ay dapat pasakop nang lubusan sa kanilang asawa.</div><div class="p"> 25Mga#Co. 3:19; 1 Ped. 3:7. lalaki, mahalin ninyo ang inyong asawa na gaya ng pagmamahal ni Cristo sa iglesya. Inihandog niya ang kanyang buhay para sa iglesya 26upang ialay ito sa Diyos, matapos linisin sa pamamagitan ng tubig at ng salita. 27Ginawa niya ito upang ang iglesya ay maiharap niya sa kanyang sarili bilang isang maluwalhating iglesya na walang anumang dungis ni kulubot man upang ito ay maging banal at walang kapintasan. 28Gayundin naman, dapat mahalin ng mga lalaki ang kanilang asawa tulad ng sarili nilang katawan. Ang lalaking nagmamahal sa kanyang asawa ay nagmamahal sa kanyang sarili. 29Walang taong namumuhi sa sarili niyang katawan. Sa halip, ito'y kanyang pinapakain at inaalagaan, tulad ng ginagawa ni Cristo sa iglesya. 30Tayo nga'y mga bahagi ng kanyang katawan. 31Gaya#Gen. 2:24. ng sinasabi sa kasulatan, &#8220;Dahil dito'y, iiwan ng lalaki ang kanyang ama't ina, at magsasama sila ng kanyang asawa; at sila'y magiging isa.&#8221; 32Ito ay isang dakilang hiwaga na aking inihahayag tungkol sa kaugnayan ni Cristo sa iglesya. 33Kaya't kayong mga lalaki, mahalin ninyo ang inyong asawa gaya ng inyong sarili; mga babae, igalang naman ninyo ang inyong asawa.</div>
 </div>
 </div>
</div>

<div class="version vid399 iso6393tgl" data-vid="399" data-iso6393="tgl">
 <div class="book bkEPH">
 <div class="chapter ch6" data-usfm="EPH.6">
 <div class="label">6</div><div class="s">Tagubilin sa mga Magulang at mga Anak</div><div class="p"> 1Mga#Co. 3:20. anak, sundin ninyo ang inyong mga magulang sa Panginoon,#1 sa Panginoon: Sa ibang manuskrito'y hindi nakasulat ang mga salitang ito. sapagkat ito ang nararapat. 2&#8220;Igalang#Exo. 20:12; Deut. 5:16. mo ang iyong ama at ina.&#8221; Ito ang unang utos na may kalakip na pangakong 3&#8220;Ikaw ay giginhawa at hahaba ang iyong buhay sa lupa.&#8221;</div><div class="p"> 4Mga#Co. 3:21. magulang, huwag kayong gumawa ng mga bagay na ikagagalit ng inyong mga anak. Sa halip, palakihin ninyo sila ayon sa disiplina at katuruan ng Panginoon.</div><div class="s">Katuruan Para sa mga Alipin at mga Amo</div><div class="p"> 5Mga#Co. 3:22-25. alipin, sundin ninyo ang inyong mga amo dito sa lupa nang may buong paggalang, takot at katapatan, na parang si Cristo ang siya ninyong pinaglilingkuran. 6Gawin ninyo iyan, may nakakakita man o wala, hindi upang mapuri ng mga tao kundi dahil kayo'y mga lingkod ni Cristo at buong pusong sumusunod sa kalooban ng Diyos. 7Maglingkod kayo nang masaya ang kalooban na parang sa Panginoon kayo naglilingkod at hindi sa tao. 8Sapagkat alam ninyong gagantimpalaan ng Panginoon ang bawat mabuting gawa ninuman, maging siya man ay alipin o malaya.</div><div class="p"> 9Mga#Co. 4:1; Deut. 10:17; Co. 3:25. amo, maging mabait kayo sa inyong mga alipin at huwag silang pagbabantaan. Huwag ninyong kalilimutan na kayo'y parehong alipin ng iisang Panginoon na nasa langit, at siya'y walang itinatangi.</div><div class="s">Mga Sandatang Kaloob ng Diyos</div><div class="p"> 10Bilang pagwawakas, magpakatibay kayo sa kalakasang galing sa Panginoon at sa kanyang dakilang kapangyarihan. 11Gamitin#Kar. 5:17. ninyo ang lahat ng kagamitan at sandatang pandigma na kaloob ng Diyos, upang mapaglabanan ninyo ang mga pakana ng diyablo. 12Sapagkat hindi tayo nakikipaglaban sa mga tao, kundi sa mga pinuno, sa mga maykapangyarihan, at sa mga tagapamahala ng kadilimang umiiral sa sanlibutang ito&#8212;ang mga hukbong espirituwal ng kasamaan sa himpapawid. 13Kaya't isuot ninyo ang kasuotang pandigma na mula sa Diyos. Sa gayon, makalalaban kayo kapag dumating ang masamang araw na sumalakay ang kaaway, upang pagkatapos ng labanan ay matatag pa rin kayong nakatayo.</div><div class="p"> 14Kaya't#Isa. 11:5; Isa. 59:17. #Kar. 5:18-23. maging handa kayo. Ibigkis sa inyong baywang ang sinturon ng katotohanan, at isuot sa dibdib ang baluti ng katuwiran; 15isuot#Isa. 52:7. ninyo ang sandalyas ng pagiging handa sa pangangaral ng Magandang Balita ng kapayapaan. 16Lagi ninyong gawing panangga ang pananampalataya, na siyang papatay sa lahat ng nagliliyab na palaso ng diyablo. 17Isuot#Isa. 59:17. ninyo ang helmet ng kaligtasan, at gamitin ang tabak ng Espiritu, na walang iba kundi ang Salita ng Diyos. 18Ang lahat ng ito'y gawin ninyo na may panalangin at pagsamo. Manalangin kayo sa lahat ng pagkakataon, sa patnubay ng Espiritu. Lagi kayong maging handa, at patuloy na ipanalangin ang lahat ng hinirang ng Diyos. 19Ipanalangin din ninyong ako'y pagkalooban ng wastong pananalita upang buong tapang kong maipahayag ang hiwaga ng Magandang Balitang ito. 20Dahil sa Magandang Balitang ito, ako'y isinugo, at ngayo'y nakabilanggo. Kaya't ipanalangin ninyong maipahayag ko ito nang buong tapang gaya ng nararapat.</div><div class="s">Mga Pangwakas na Bati</div><div class="p"> 21Si#Gw. 20:4; 2 Tim. 4:12. #Co. 4:7-8. Tiquico, na mahal nating kapatid at tapat na lingkod ng Panginoon, ang magbabalita sa inyo ng lahat ng bagay tungkol sa aking kalagayan at ginagawa. 22Kaya't isinusugo ko siya sa inyo upang malaman ninyo ang aming kalagayan, at upang palakasin ang inyong loob.</div><div class="p"> 23Nawa'y ipagkaloob ng Diyos Ama at ng Panginoong Jesu-Cristo sa lahat ng mga kapatid ang kapayapaan at ang pag-ibig na kalakip ng pananampalataya. 24Ang pagpapala ng Diyos ay sumainyong lahat, sa inyo na umiibig nang walang maliw sa ating Panginoong Jesu-Cristo.</div>
 </div>
 </div>
</div>

60 Para MagsimulaHalimbawa

Banal na Kasulatan

Tungkol sa Gabay na ito

Mga Kaugnay na Gabay