Lucas 6:46-49

“Bakit ninyo ako tinatawag na ‘Panginoon, Panginoon,’ gayong hindi naman ninyo sinusunod ang mga sinasabi ko? Ilalarawan ko sa inyo kung ano ang kahalintulad ng taong lumalapit sa akin, nakikinig sa mga sinasabi ko at sumusunod rito: Katulad siya ng isang taong humukay nang malalim at nagtayo ng bahay sa pundasyong bato. Nang bumaha at dinaanan ng malakas na agos ang bahay, hindi iyon nayanig dahil matibay ang pagkakatayo. Ngunit ang nakikinig sa mga sinasabi ko pero hindi naman ito sinusunod ay katulad ng isang taong nagtayo ng bahay na walang pundasyon. Kayaʼt nang dinaanan ng malakas na agos ang bahay, agad itong nagiba at lubusang nawasak.”