Números 9
9
Pascua fiestata imaynam ruwanankumanta
1Egipto nacionmanta iskay wataña lloqsiramusqanku hawam, chay iskay watapa punta kaq killanpi Sinaí sutiyuq chunniqpi Moisesta Tayta Dios nirqa:
2Israelpa mirayninkunam tiempollanpi Pascua fiestata ruwanqaku. 3Kay punta kaq killapa chunka tawayuq punchawninpim inti seqaykuymanta ruwanqaku. Ruwanqakuqa llapallan yachachikuyniykunaman hinaspa llapallan kamachikuyniykunaman hinam, nispa.
4Moisesmi Israelpa mirayninkunata Pascua fiestata ruwanankupaq nirqa. 5#Ex 12.1-13.Chaymi paykuna punta kaq killapa chunka tawayuq punchawnin tardeykuyta Pascua fiestata ruwarqaku, ruwarqakuqa Sinaí chunniqpim. Israelpa mirayninkunaqa ruwarqaku Moisesman Tayta Diospa nisqankunaman hinam.
6Wakin runakunañataqmi wañuqpa ayanman asuykusqankurayku millakuypaq kachkarqaku, chayraykum chay punchawqa Pascua fiesta ruwaytaqa mana atirqakuchu, hinaspam Moisesmanwan Aaronman asuykuspanku 7kaynata nirqaku:
Ñoqaykuqa wañuqpa ayanman asuykusqaykuraykum millakuypaq kachkaniku. ¿Yaqachu Israelpa mirayninkunawan kuska Tayta Diosman ofrendaykuta ofreceyta atiymanku? nispa.
8Chaymi Moisés nirqa:
Suyaykuychik, imatas qamkunamanta Tayta Dios kamachiwanqa, nispa.
9-10Hinaptinmi Israelpa mirayninkunaman ninanpaq Moisesta Tayta Dios kaynata nirqa:
Qamkunamanta otaq miraynikichikmanta wañuqpa ayanman asuykuq runaqa millakuypaqña kachkaspapas Pascua fiestaytaqa ruwanmanmi, ruwanmantaqmi illaruspan karupi tarikuq runapas. 11Ruwanqakuqa iskay kaq killapa chunka tawayuq punchawninpi inti seqaykuytam. Chay fiestapim aychata qatqe qorayuqkunata hinaspa mana levadurayuq tantayuqta mikunqaku.
12 #
Ex 12.46; Sal 34.20; Jn 19.36. Ofrecesqanku animalpa aychantaqa amam paqarinnintin punchawkamaqa puchunqakuchu, nitaqmi tulluntapas pakinqakuchu. Pascua fiestataqa kamachikuyniykunaman hinam ruwankichik. 13Pascua fiestata ruwananpaq hina kachkaspan otaq mana illaruchkaspan Pascua fiestayta mana ruwaqqa llaqtamanta chinkachisqam kanqa. Ofrendakunata ñoqa Tayta Diosman imam tiempollanpi mana ofrecewasqanraykum chay runaqa huchanmanta castigasqa kanqa.
14Qamkunawan yachaq huklaw llaqtayuqkunapas ñoqa Tayta Diospaqmi Pascua fiestayta ruwanqaku, ruwanqakuqa Pascua fiestapaq kamachikuykunaman hinaspa yachachikuykunaman hinam. Chay kamachikuyllam nacionnikichikpi naceqkunapaqpas chaynataq huklaw llaqtayuqkunapaqpas kanqa.
Diosman asuykuna carpapa hawanpi puyumanta
(Ex 40.34-38)
15Diospa yachanan carpata otaq chunkantin kamachikuy waqaychana carpata sayarirachiptinkum chay carpata puyu tapaykurqa. Tutaykuqmanta achikyaqkamañataqmi nina hina kancharqa. 16Chaynallam sapa punchaw karqa: Punchawmi carpata puyu tapaykuq, tutanñataqmi nina hina kanchaykuq. 17Carpapa hawanmanta altoman puyu hoqarikuruptinmi Israelpa mirayninkuna ñawpaqman riqku, maypipas puyu sayaruptinñataqmi chaypi samaruqku.
18Tayta Dios kamachiptinmi Israelpa mirayninkunaqa lloqsiqkupas otaq samaqkupas; Diospa yachanan carpapa hawanpi chay punchaw puyu kanankamam samaqku. 19Diospa yachanan carpapa hawanpi chay puyu achka punchawkuna hinalla kaptinqa Israelpa mirayninkunapas hinallapim kaqku Tayta Diosta kasukuspanku.
20Sichum chay puyu Diospa yachanan carpapa hawanpi pisi punchawlla sayaruptinqa Tayta Diospa kamachisqanman hinam samaruqkupas otaq ñawpaqmanpas riqku.
21Wakin kutipiqa chay puyum huk tutalla sayaruspan achikyaqtaqa hoqarikuruqña, hinaptinmi paykunapas ñawpaqman riqku. Wakin kutipiñataqmi huk punchawlla sayaruspan tutaykuqtaqa hoqarikuruqña hinaptinmi paykunapas ñawpaqman riqku.
22Sichum chay puyu Diospa yachanan carpapa hawanpi iskay punchawpas, huk killapas otaq huk watapas hinallapi kaptinqa, Israelpa mirayninkunapas maymi samasqallankupim kaqku. Hoqarikuruptinmi ichaqa paykunapas chaylla pasaqku.
23Tayta Dios kamachiptinmi samaruqkupas otaq ñawpaqmanpas riqku. Paykunaqa imatapas ruwaqku Moisesman Tayta Diospa kamachisqanman hinam.
ที่ได้เลือกล่าสุด:
Números 9: RCHQ2
เน้นข้อความ
แบ่งปัน
เปรียบเทียบ
คัดลอก
ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้
Chuya Qellqa Revisión @ Sociedad Bíblica Peruana, 2012