Números 8
8
Candelabropa mecheronkunata ratachinankumanta
1-2Aaronman ninanpaqmi Moisesta Tayta Dios nirqa:
Candelabropi qanchisnintin mecherokunata ratachiptikiqa, candelabropa ñawpaqninmanmi kanchanqa, nispa.
3Aaronñataqmi chaynata ruwaspan candelabropa ñawpaqninman chay mecherokunata kanchachirqa, chaynataqa ruwarqa Moisesman Tayta Diospa kamachisqanman hinam. 4#Ex 25.31-40; 37.17-24.Chay candelabroqa qorimanta labrasqam karqa, tiyananmanta qallarispa waytankunakamam martillowan labrasqa karqa, chaynaqa ruwasqa karqa Moisesman Tayta Diospa qawachisqanman hinam.
Leví ayllu Diosllapaqña rakisqa kasqanmanta
5Tayta Diosmi Moisesta nirqa:
6Israelpa mirayninkunamanta Leví aylluta rakispa chuyanchay. 7Paykunata chuyanchaspaykiqa kaynatam ruwanki: Paykunatam hucha mayllana yakuwan challanki hinaptinmi lliw cuerponkupi pelonkuta siksikunqaku, taqsakunqakutaqmi pachankutapas, chaynapim chuyanchasqa kanqaku. 8Chaymantam apamuwanqaku malta torota chaynataq fino harinamanta aceitewan chapusqa kawsay ofrendatapas. Qampas apamuwankitaqmi hucharayku ofrendapaq huk malta torota. 9Asuykuwanaykichik carpapa ñawpaqninmanmi Leví ayllu runakunata asuykachinki, Israelpa llapallan mirayninkunatapas huñunankitaqmi. 10Leví ayllu runakunata ñoqa Tayta Diospa qayllayman asuykachimuptikim Israelpa mirayninkuna makinkuta paykunapa hawanman churanqaku.
11Hinaptinmi Aaronñataq Israelpa mirayninkunapa ofrendanta hina Leví ayllukunata ñoqa Tayta Diospa qayllaypi sapaqchapuwanqa, chaynapim Leví ayllukuna ima ruwaypipas ñoqa Tayta Diosta serviwanqaku. 12Chaymantam Leví ayllukuna makinkuta malta torokunapa umankuman churanqaku, hinaptinmi qam Moisesñataq huknin torota hucharayku ofrendata ofrecemuwanki, huknintañataqmi Leví ayllukunapa huchanta pampachanaypaq lliw kañana ofrendata ofrecemuwanki.
13Hinaspam Leví ayllukunata Aaronpa chaynataq churinkunapa ñawpaqninpi sayachinki, hinaspam ofrendata hina ñoqa Tayta Diospaq sapaqchapuwanki. 14Chaynatam Leví ayllukunataqa Israelpa mirayninkunamanta sapaqchapuwanki ñoqallapaqña kanankupaq. 15Chaymantañam Leví ayllukunaqa asuykuwanaykichik carpaman asuykunqaku chaypi servikunankupaq. Qanmi paykunata chuyanchaspa ofrendata hina sapaqchapuwanki.
16 #
Ex 32.26-29. Leví ayllukunaqa Israelpa mirayninkunamantam regalo hina ñoqallapaqña kanqaku. Paykunataqa Israelpa mirayninkunapa llapallan punta kaq wawa-churinkupa rantinpim ñoqallapaqña akllakuni. 17#Ex 13.2.Egipto nacionniyuq runakunapa piwi wawa-churinkunata wañurachispaymi Israelpa mirayninkunapa piwi wawa-churinkuta ñoqapaq sapaqchakurqani. Paykunaqa ñoqapam, animalkunapa punta kaq wawankunapas ñoqapataqmi. 18Chayraykum Israelpa mirayninkunapa piwi wawa-churinkunapa rantinpi Leví ayllukunataña akllakurqani.
19Ñoqam Leví ayllukunata Israelpa mirayninkunamanta regalota hina Aaronman chaynataq churinkunaman qoni. Paykunataqa qoni Israelpa mirayninkunapa rantinpi asuykuwanaykichik carpapi serviwanankupaqmi. Chaynata ruwaptinkum Israelpa mirayninkunapa huchanta pampachasaq. Chaynapim Israelpa mirayninkunaqa santuarioyman mana asuykunqakuchu, chaynapi peste onqoy paykuna ukupi mana kananpaq, nispa.
20Moiseswan Aaronmi Israelpa llapallan mirayninkunapiwan tukuy chaykunata Leví ayllukunawan ruwarqaku, ruwarqakuqa imaynam Moisesman Tayta Diospa kamachisqanman hinam. 21Chaynapim Leví ayllukunaqa chuyanchakuspa pachankutapas taqsakurqaku, hinaptinmi Aaronñataq ofrendata hina Tayta Diospaq sapaqcharqa, hinaspam huchanku pampachasqa kananpaq sacrificiota ruwarqa.
22Chaymantañam Leví ayllukunaqa Diosman asuykuna carpaman yaykurqaku, chaynapi Aaronpa hinaspa churinkunapa qayllanpi servikunankupaq. Chaynatam Leví ayllukunawan ruwarqaku, imaynam Moisesman Tayta Diospa kamachisqanman hina.
Leví ayllukuna hayka watam llamkanankumanta
23Moisestam Tayta Dios nirqa:
24Leví ayllukunaqa iskay chunka pichqayuq watanmanta hanaymanmi asuykuwanaykichik carpapi imam ruwanankupi serviwanankupaq yaykunqaku. 25Pichqa chunka watankumantam ichaqa serviwanankumanta samakunqakuña, manañam mastaqa servikunqakuchu. 26Chaywanpas asuykuwanaykichik carpapiqa llamkanmankuraqmi Leví ayllumasinkuta yanapaspanku, ichaqa amañam imam ruwanankutaqa ruwanqakuñachu. Chaynatam Leví aylluta serviwanankupaq kamachinki.
ที่ได้เลือกล่าสุด:
Números 8: RCHQ2
เน้นข้อความ
แบ่งปัน
เปรียบเทียบ
คัดลอก
ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้
Chuya Qellqa Revisión @ Sociedad Bíblica Peruana, 2012