Números 12
12
Mariawan Aarón Moisespa contranpi rimasqankumanta
1Mariawan Aaronmi rimarqaku Moisespa contranpi Kusita warmiwan casarakurusqanrayku. 2Paykunam nirqaku:
¿Moisesnintakamallachu Tayta Diosqa rimarqa? ¿Ñoqanchiktakamapas manachum rimarqa? nispanku.
Chayna rimapakusqankutam Tayta Dios uyarirurqa.
3Moisesqa llapallan runakunamantapas llumpay uchuychakuqmi karqa. 4Hinaptinmi Moisesta, Aaronta hinaspa Mariata Tayta Dios nirqa:
Asuykamuwanaykichik carpaman riychik, nispa.
Chaymi kimsanku chayman rirqaku. 5Tayta Diosñataqmi carpaman uraykamurqa sayaq puyupa ukunpi, hinaspam carpapa punkunman Aarontawan Mariata qayarqa. Iskayninku asuykuptinkum 6paykunata nirqa:
Kay nisqayta uyariychik: Qamkuna ukupi profeta kaptinqa ñoqam payman visionpi rikurisaq, hinaspam mosqoyninpi rimapayasaq. 7#Heb 3.2.Serviqniy Moiseswanmi ichaqa mana chaynatachu ruwasaq, payqa llapan serviqniykunamantapas mastam ñoqapi hapipakun. 8Paywanqa uya-uyapuram imam kaqta rimasaq, manam rikchanachiykunawanchu, chaynaqa ñoqa Tayta Diosta rikuwachkaptinqa ¿imanasqamá manaqa manchakurqankichikchu serviqniy Moisespa contranpi rimaytaqa? nispa.
9Chaymi paykunapa contranpi Tayta Dios anchata piñakuruspan pasakurqa. 10Carpamanta puyu asuriruptinmi riti hina yuraqllaña lepra onqoy Mariapa cuerponpi rikurirurqa. Aarón muyuriykuspa qawariykuptinmi Mariaqa lepra onqoywanña kachkasqa. 11Hinaptinmi Moisesta Aarón nirqa:
¡Ay, taytalláy! Kay huchamantaqa amayá castigawaykuchu, muspaypi hinam kaytaqa ruwaruniku. 12Amayá Mariataqa saqeruychu mamanpa wiksanpi wañuruspa ismurichkaq aychayuqña naceq wawata hinaqa, nispa.
13Chaymi kaynata qaparispan Tayta Diosta Moisés mañakurqa:
Diosnilláy, Mariata sanoyaykachinaykipaqmi mañakuyki, nispa.
14 #
Nm 5.2-3. Chaymi Moisesta Tayta Dios nirqa:
Uyanpi taytan toqaykuptinqa ¿manachu qanchis punchaw penqaypi kanman? Chaynaqa, campamentomanta qanchis punchawpuni qarqosqa kaspa chaymantaña kutiykamuchun, nispa.
15Chaynapim Mariaqa qanchis punchawpuni campamentomanta qarqosqa karqa. María kutimunankamam chay sitiomanta runakuna mana lloqsirqakuchu. 16Maypacham María kutiramuptinñam Hazerot lawmanta pasaspanku Parán chunniqpi samarurqaku.
ที่ได้เลือกล่าสุด:
Números 12: RCHQ2
เน้นข้อความ
แบ่งปัน
เปรียบเทียบ
คัดลอก
ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้
Chuya Qellqa Revisión @ Sociedad Bíblica Peruana, 2012