Rhufeiniaid 3
3
Ateb Gwrthddadleuon.
1Pa beth, ynte, yw rhagoriaeth#3:1 Perisson, yr hyn sydd tuhwnt, dros ben, felly, rhagoriaeth, rhagorfraint, uchafiaeth. yr Iuddew, neu pa beth yw budd yr enwaediad? 2Llawer ym mhob modd: yn gyntaf#3:2 Ni cheir yr ail reswm., yn wir, oblegyd ddarfod ymddiried iddynt am oraclau#3:2 Logia, ymadroddion byr, dadganiadau ysprydoledig. Dynodant yma Ysgrythyrau yr Hen Destament, yn enwedig yr addewidion am y Messia. Duw. 3Oblegyd beth os annghredodd rhai? a wna eu hannghrediniaeth hwy ffyddlondeb#3:3 Defnyddir yr un gair Groeg am ffydd a ffyddlondeb. Am Dduw, defnyddir yr ansoddair fynychaf, “Ffyddlawn yw Duw” (1 Cor 1:9; 10:13; 2 Cor 1:18). Duw yn ddirym#3:3 Defnyddir y ferf katargeô gan Paul 25 o weithiau. Prif feddwl y gair yw gwneyd yn aneffeithiol, gwrthweithio fel i attal, gwneyd yn ofer, yn ddirym.? 4Ddim o gwbl!#3:4 Llyth., na fydded! Ddim o gwbl. Defnyddir y frawddeg gan Paul 14 o weithiau. eithr bydded Duw yn eirwir#3:4 ‘Bydded i Dduw gael ei brofi, ei gael allan, yn eirwir.’, a phob dyn yn gelwyddog, megys y mae yn ysgrifenedig: Fel y'th gyfiawnhâer yn dy eiriau, ac y gorfyddech pan y'th farner#3:4 Neu, pan ddeui i farn, ‘pan sefi o flaen dy wrthwynebydd’; ‘pan yr eli i gyfraith.’#Salm 51:4. 5Eithr os ein hannghyfiawnder ni a ganmol#3:5 Sunistêmi, gosod ynghyd, sefyll ynghyd (2 Petr 3:5), yna cyflwyno, canmol. Hefyd golyga profi, sefydlu. gyfiawnder Duw, beth a ddywedwn? ai annghyfiawn yw Duw yr hwn sydd yn dwyn arnom ddigofaint? (Yn ol dull dyn yr wyf yn dywedyd); 6ddim o gwbl#3:6 Llyth., na fydded! Ddim o gwbl. Defnyddir y frawddeg gan Paul 14 o weithiau.! os felly, pa fodd y barna Duw y byd? 7Ond os gwirionedd#3:7 Neu, gwirioneddolrwydd. Duw, trwy#3:7 Llyth., yn (fel maes gweithrediad gwirionedd Duw). fy nghelwydd#3:7 Twyll, anffyddlondeb. i, a ymhelaethodd i'w ogoniant ef, paham y'm bernir innau hefyd etto fel pechadur? 8a phaham nad (fel y'n ceblir, ac fel y dywed rhai ein bod yn dywedyd) “Gwnawn ddrwg#3:8 Llyth., ‘y pethau drwg … y pethau da.’ fel y del ddaioni#3:8 Llyth., ‘y pethau drwg … y pethau da.’?” y rhai y mae eu dedfryd yn gyfiawn.
Pawb yn Gollfarnedig dan Gaethiwed Pechod.
9Beth gan hynny? a ragorir#3:9 Y mae gwahaniaeth barn a yw y ferf yn y llais canolog neu yn y goddefol. Tebygol yr olaf. Yn ol y blaenaf, ‘A ragorwn ni, yr Iuddewon, ar y Groegiaid’? Yn ol yr ail, ‘A ragorir arnom ni, yr Iuddewon, gan y Groegiaid’? Rhai a gyfieithant, ‘A esgusodwn ein hunain’? arnom ni? ddim o gwbl; canys ni a gyhuddasom#3:9 Megys mewn llys cyfreithiol. Iuddewon a Groegiaid hefyd eu bod oll dan bechod; 10fel y mae yn ysgrifenedig, Nid oes cyfiawn, ddim un;
11Nid oes neb yn deall, nid oes neb yn ceisio Duw;
12Gŵyrasant oll, aethant un ac oll yn anfuddiol; nid oes yn gwneyd daioni#3:12 Neu, caredigrwydd., nid oes hyd y nod un#3:12 Dyfyniad rhydd o Salm 14:1–3, gan wahaniaethu yn fawr oddiwrth yr Hebraeg.:
13Bedd agored yw eu ceg; â'u tafodau y gwnaethant ddichell#3:13 Salm 5:9.; gwenwyn aspiaid sydd dan eu gwefusau#3:13 Salm 140:3.:
14Y rhai y mae eu genau yn orlawn o felldith a chwerwedd#3:14 Salm 10:7, “Ei enau sydd yn llawn melldith, a dichell, a thwyll.”:
15Buan yw eu traed i dywallt gwaed;
16Distryw ac adfyd sydd yn eu ffyrdd;
17A ffordd tangnefedd nid adwaenasant#3:17 Rhydd ddyfyniad yw adnodau 15–17 o Es 59:9, 10.:
18Nid oes ofn Duw gerbron eu llygaid#3:18 Salm 36:1..
19Ond ni a wyddom am ba bethau bynnag y mae y ddeddf yn eu dywedyd#3:19 Golyga ‘dywedyd’ gynnwys y ddeddf, a ‘llefaru’ y ffurf y rhoddir dadganiad iddo., wrth y rhai sydd dan y ddeddf y mae hi yn llefaru#3:19 Golyga ‘dywedyd’ gynnwys y ddeddf, a ‘llefaru’ y ffurf y rhoddir dadganiad iddo., fel y cauer pob genau, ac fel yr elo yr holl fyd yn agored i farn#3:19 Hupodikos, dan farn Duw, yn erbyn yr hwn y pechwyd. Duw: 20O herwydd trwy weithredoedd deddf ni chyfiawnheir un cnawd ger ei fron ef; canys trwy ddeddf y mae adnabod pechod#3:20 Llyth., ‘y mae gwybodaeth o bechod.’.
Nid trwy Ddeddf ond trwy Ffydd y Cyfiawnheir,
21Eithr yn awr, ar wahan i ddeddf, y mae cyfiawnder#3:21 Nid y cyfiawnder o herwydd yr hwn y mae Duw yn gyfiawn, ond trwy yr hwn y gwneir dyn yn gyfiawn. o eiddo Duw wedi ei amlygu, i'r hwn y tystiolaethir gan y ddeddf a'r prophwydi#3:21 Y mae y termau yn cynnwys y cysgodau, addewidion, prophwydoliaethau.; 22sef cyfiawnder Duw trwy ffydd#3:22 Sef ffydd yng Nghrist. Efe yw eu gwrthrych. Iesu Grist i#3:22 I bawb א A B C Brnd.; i bawb ac ar bawb D F G. Rhai o'r Tadau a farnent fod i bawb yn cyfeirio at yr Iuddewon, ac ar bawb, at y Cenhedloedd. bawb sydd yn credu: canys nid oes gwahaniaeth#3:22 Yn Paul yn unig. Y mae Iuddew a Chenedl‐ddyn yn yr un cynllun o iachawdwriaeth.; 23oblegyd pawb a bechasant, ac ydynt yn amddifad#3:23 Bod mewn anghen o, bod ar ol am. o ogoniant Duw#3:23 Gwahanol farnau: (1) Ymffrost gerbron Duw; (2) Delw Duw; (3) Gogoniant y bywyd tragywyddol; (4) Cymmeradwyaeth Duw; (5) Gogoniant cyfiawnder personol. Golyga yr anrhydedd a rydd Duw., 24ond yn cael eu cyfiawnhau#3:24 Y mae cyssylltiad agos rhwng bod ‘yn amddifad o’ a chael ‘eu cyfiawnhau.’ Pan yn ‘amddifad’ y mae y ‘cyfiawnhau’ yn cymmeryd lle. yn rhad gan ei ras ef trwy y brynedigaeth#3:24 Defnyddir ddeng gwaith yn y T. N. Golyga brynu neu waredu trwy dalu iawn — yn ol y Tadau — i Satan! Ond i Dduw yr oedd yn ddyledus. sydd yng Nghrist Iesu: 25yr hwn a osododd#3:25 Yn ol rhai, a rag‐ordeiniodd, fwriadodd. Duw allan yn Drugareddfa#3:25 Dyma y gair (hilastêrion) a ddefnyddir yn ddieithriad (26 o weithiau) gan y LXX. i ddynodi y Drugareddfa yn y Sanctaidd Sancteiddiolaf (Heb.: Kapporeth). Y mae iaith yr Apostol yn dangos fod y Drugareddfa yn ei feddwl, ac y mae yn derm cynnwysfawr ac arwyddocaol o waith iawnol Crist. Rhesymmau yn erbyn y cyfieithiad ‘yn Drugareddfa’: (1) Prif ystyr y gair yw ‘taliad iawn.’ Pe hynny, ‘Trugareddfa’ yw y llawer mwy cyffredin; (2) Ni elwir Crist mewn un man arall yn ‘Drugareddfa.’ Ni ddesgrifir ef ychwaith fel ‘Drws,’ ‘Pasc,’ ‘Craig,’ ond unwaith; (3) Byddai defnyddio y ffugyr yn sydyn a chwithig; ond yr oedd y Cenhedloedd yn hollol mor gyfarwydd â'r fath gyssegrau a'r Iuddewon; (4) Y mae ‘Trugareddfa’ yn gofyn y fannod o'i flaen. Nac ydyw, canys deffinir y gair yn eglur gan y geiriau ‘yn ei waed’; (5) Yr oedd y ‘Drugareddfa’ o'r golwg. Ydoedd, ond dyma y gwahaniaeth rhwng yr Hen a'r Newydd. Y mae ein ‘Trugareddfa’ ni yn y golwg, a chroesaw i bawb ddyfod atti. Hwn hefyd yw unig ystyr y gair yn yr unig fan arall y defnyddir ef yn y T. N., Heb 9:5., trwy ffydd, yn ei waed ef, er arddangosiad o'i gyfiawnder ef, o herwydd ei fynediad#3:25 Paresis, ‘pasio’ heibio, peidio cospi ar y pryd, ac nid maddeu yn hollol (aphesis). heibio i'r pechodau a wnaethpwyd o'r blaen, yn nyoddefgarwch Duw; 26er arddangosiad o'i gyfiawnder ef y pryd hwn, fel y byddai efe ei hun yn gyfiawn ac yn cyfiawnhau yr hwn sydd o#3:26 Llyth., allan o. Yr hwn y mae ei ffydd yng Nghrist fel gwreiddyn ei berthynas â Duw. ffydd Iesu. 27Pa le gan hynny y mae yr ymffrost? Cauwyd ef allan. Trwy ba fath ddeddf? ai deddf gweithredoedd? Nage, eithr trwy ddeddf ffydd. 28Canys#3:28 Canys A א D F G; am hynny B C. yr ydym ni yn cyfrif mai trwy ffydd y cyfiawnheir dyn, ar wahan oddiwrth weithredoedd deddf. 29Ai Duw i Iuddewon yn unig yw efe? onid i Genhedloedd hefyd? Ië, i Genhedloedd hefyd, 30os yn wir un yw Duw, yr hwn a gyfiawnhâ yr enwaediad mewn canlyniad#3:30 Llyth., allan o. Cyfiawnheid yr Iuddewon, fel plant Abraham, trwy ffydd, fel y Cenhedloedd; ond, yn ol yr ymadrodd hwn, yr oedd eu ffydd i dyfu allan, megys o'r gwreiddyn oedd yn Abraham. i ffydd, a'r dienwaediad trwy ffydd. 31A ydym, gan hynny, yn dirymmu deddf trwy ffydd? Ddim o gwbl! eithr yr ydym yn cadarnhau deddf.
ที่ได้เลือกล่าสุด:
Rhufeiniaid 3: CTE
เน้นข้อความ
คัดลอก
เปรียบเทียบ
แบ่งปัน
ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้
Cyfieithiad Newydd o'r Testament Newydd gyda Nodiadau gan Dr William Edwards. Cyhoeddwyd mewn 4 cyfrol 1894-1915.
