Rhufeiniaid 11
11
Nid oedd gwrthodiad Israel yn hollol.
1Am hynny meddaf, A fwriodd#11:1 ‘Gosod i ffwrdd,’ ‘taflu o'r neilltu,’ ‘gwthio ymaith.’ Duw ymaith ei bobl? Na atto Duw: canys yr wyf fi hefyd yn Israeliad o hâd Abraham, o lwyth Benjamin#11:1 Gan ddisgyn o Rahel ‘yr anwylyd,’ ac nid o Leah neu un o'r caeth-forwynion; o lwyth y barnwr a'r brenin cyntaf, nid yn unig un o'r deuddeg, ond un o'r ddau. Ni lefara Paul am dano ei hun fel unigolyn, ond fel Apostol y Cenhedloedd, fel offeryn dewisedig i'w dwyn i'r deyrnas, ac yntau ei hun yn Iuddew. Yr oedd iachawdwriaeth o'r Iuddewon ac hefyd drwyddynt.. 2Ni fwriodd Duw ymaith bobl y rhai a rag‐adnabu efe. Oni wyddoch pa beth a ddywed yr Ysgrythyr yn yr adran am#11:2 Llyth., yn Elias. Gweler Marc 12:26; Luc 20:37. Elias, y modd y mae efe yn erfyn ar Dduw yn erbyn Israel, gan ddywedyd, 3O Arglwydd, hwy a laddasant dy brophwydi, ac a gloddiasant i lawr dy allorau, ac myfi a adawyd yn unig, ac y maent yn ceisio fy einioes innau#11:3 Rhydd ddyfyniad o 1 Br 19:10, 14, 18.. 4Eithr pa beth a ddywed atteb#11:4 Chrêmatismos [yma yn unig yn y T.N.], atteb Dwyfol, oracl. Gweler Mat 2:12, 22; Act 10:22. Duw wrtho? Mi a adewais i mi fy hun saith mil o wŷr, y rhai ni phlygasant lin i Baal#11:4 Y mae Baal yma yn y rhyw fenywaidd; yn yr Hebraeg y mae yn y rhyw wrrywaidd, ond yn y LXX, yn y ddau. Rhai ddywedant fod ‘delw’ yn ddealledig; eraill, fod Baal o'r ddau ryw.. 5Gan hynny yr un modd y pryd#11:5 Kairos; pwysleisia Paul nodwedd neu gymmeriad ei amser ef fel yn debyg i eiddo amser Elias. hwn hefyd y mae gweddill yn ol etholedigaeth gras, 6ac os trwy ras, nid yw mwyach o weithredoedd: os amgen, nid yw gras yn ras mwyach#11:6 Ac os o weithredoedd, nid oes gras mwyach; os amgen, nid yw gweithred yn weithred mwyach, B; gad. א A C D F G Brnd.. 7Pa beth, ynte? Yr hyn y mae Israel yn ei daer‐geisio#11:7 Sef, cyfiawnder yn wyneb Duw. nis cafodd: eithr yr etholedigaeth#11:7 Etholedigaeth am etholedigion. a'i cafodd, a'r lleill a galedwyd, 8megys y mae yn ysgrifenedig,
Rhoddes Duw iddynt yspryd cysgadrwydd#11:8 Katanuxis [yma yn unig yn y T.N.]: (1) dwysbigiad, (2) gofid trwm, (3) sefyllfa o ddideimladrwydd, cysgadrwydd, musgrellni, a gynnyrchir gan winoedd, &c.; yma, difaterwch ynghylch pob peth ysprydol.;
Llygaid fel na welent, a chlustiau fel na chlywent, hyd y dydd hwn#11:8 Y mae y geiriau hyn yn gyfuniad o Es 29:10 a Deut 29:3..
9Ac y mae Dafydd yn dywedyd,
Bydded eu bwrdd hwy yn fagl#11:9 ‘Yr hyn a ddeil yn dyn,’ magl, rhwyd., ac yn rhwyd#11:9 Thera [yma yn unig yn y T.N.]: llyth., hela, ‘yr helfa yn yr hon y cänt eu dal.’ Rhai a'i cyfieithant ‘rhwyd,’ gan ddylyn Salm 35:8, lle y defnyddir thera yn y LXX am resheth, ‘rhwyd.’, ac yn dramgwydd, ac yn daledigaeth iddynt;
10Tywyller eu llygaid fel na welont,
A chydgrymma eu cefn yn wastad#11:10 Salm 69:22, 23. Salm Fessianaidd, ac felly cyhoeddir y ddedfryd gan Grist..
Rhybudd i'r Cenhedloedd.
11Gan hynny meddaf, A dripiasant hwy fel y cwympent? Na atto Duw: eithr trwy eu syrthiad#11:11 Paraptôma, cwympiad ymaith, gwyriad, tramgwydd, syrthiad allan o'r ffordd, camwedd. Nid oedd yr holl genedl wedi syrthio. Yr oeddynt wedi myned allan o'r ffordd, ond heb fod wedi syrthio dros y clogwyn erchyll i golledigaeth. hwy ymaith, y mae yr iachawdwriaeth#11:11 Yr iachawdwriaeth, sef ‘yr hon oedd o'r Iuddewon.’ i'r Cenhedloedd er eu gwneyd yn eiddigus#11:11 ‘Er creu ynddynt ddymuniad angerddol i ad‐feddiannu bendithion y Cyfammod ochr yn ochr â'r Cenhedloedd crediniol.’, 12ac os yw eu syrthiad ymaith yn olud y byd, a'u syrthiad yn fyr#11:12 Hêttêma, lleihad, colled, syrthiad yn fyr, diffyg. yn olud y Cenhedloedd, pa faint mwy eu cyflawnder#11:12 Hynny yw, eu cyflawn‐rif, heb leihad trwy fethiant llaweroedd, ond un genedl mewn llawn ysprydol nerth yn cymmeryd ei lle yn Nheyrnas Crist.?
13Ond wrthych chwi y Cenhedloedd y dywedaf, Yn gymmaint a'm bod i gan hynny yn Apostol y Cenhedloedd, yr wyf yn mawrhau#11:13 Llyth., gogoneddu. fy ngweinidogaeth, 14os mewn un modd y gwnaf yn eiddigus fy nghnawd#11:14 Sef, ei gyd‐genedl. fy hun, ac achub rhai o honynt. 15Canys os yr ymwrthodiad#11:15 Apobolê: llyth., tafliad ymaith. â hwy yw cymmod y byd, beth fydd eu derbyniad ond bywyd#11:15 Nid yw y geiriau i'w cymmeryd yn llythyrennol, gan ddynodi yr Adgyfodiad, ond cyfeiriant at adfywiad mawr ysprydol a hyrwyddiant dihafal Teyrnas Dduw, — nid anfarwoldeb corph ond nefoldeb meddwl. o feirw? 16Ac os yw y blaenffrwyth#11:16 Abraham, ‘tâd y ffyddloniaid,’ ac eraill o'r Patriarchiaid. Gweler Num 15:19, 21; Lef 2:2, 3. yn sanctaidd, y mae y crynswth hefyd; ac os yw y gwreiddyn#11:16 Abraham, ‘tâd y ffyddloniaid,’ ac eraill o'r Patriarchiaid. Gweler Num 15:19, 21; Lef 2:2, 3. yn sanctaidd, y mae y canghennau hefyd. 17Ond os rhai o'r canghennau a dorrwyd ymaith, a thydi#11:17 Y Cristion Cenhedlig., yn olew‐wydden wyllt#11:17 Y mae y gyfattebiaeth yn groes i bob impio ymarferol. Impir y ganghen dda yn y boncyff diffrwyth, ond yma gosodir i mewn yr olew‐wydden wyllt. Y mae hyn yn gwneyd i ffwrdd a phob sail i ymffrostio., a impiwyd i mewn yn eu plith, ac yn gyd‐gyfrannog o wreiddyn#11:17 Gwreiddyn brasder א B C Brnd. ond [Tr.]; gwreiddyn a brasder A. Gadewir allan gwreiddyn gan D F G. brasder yr olew‐wydden, 18nac ymffrostia yn erbyn y canghennau: ac os ymffrosti yn eu herbyn, nid tydi sydd yn cynnal y gwreiddyn, eithr y gwreiddyn dydi. 19Ti a ddywedi gan hynny, Torrwyd canghennau ymaith, fel yr impid fi i mewn. 20Rhagorol#11:20 Kalôs. Da! Rhagorol! Gwir! Y mae yr ymresymiad mewn un ffordd yn wir, ond mewn ffordd arall yn hollol gamsyniol, ac ettyb yr Apostol gyda mesur o wawdiaith sanctaidd. Dyma resymeg y Pharisead Cenbedlig.! Trwy eu hannghrediniaeth y torrwyd hwynt ymaith, a thithau wyt yn sefyll trwy dy ffydd! Na fydd uchel‐fryd, eithr ofna; 21canys os nid arbedodd Duw y canghennau naturiol, ni'th arbeda dithau chwaith. 22Gwel gan hynny garedigrwydd#11:22 Chrestotês, daioni, caredigrwydd, hynawsedd, tirionder. a llymder#11:22 Apotomia [yma yn unig yn y Beibl], o'r ferf a olyga torri i ffwrdd, toster, llymdra, llymdostedd. Duw: tuag at y rhai a gwympasant, llymder; tuag attat ti, caredigrwydd Duw#11:22 Duw. א A B C D., os arhosi yn ei garedigrwydd: os amgen, torrir dithau hefyd ymaith.
23A hwythau hefyd, os nid arhosant mewn annghrediniaeth, a impir i mewn, canys Duw sydd alluog i'w himpio hwy i mewn drachefn. 24Canys os torrwyd di ymaith o'r olew‐wydden wyllt wrth naturiaeth, a'th impio yn erbyn naturiaeth mewn olew‐wydden dda, pa faint mwy y bydd i'r rhai hyn sydd wrth naturiaeth, eu himpio i mewn yn eu holew‐wydden eu hun?
Yr Adferiad Mawr.
25Canys nid ewyllysiaf i chwi fod heb wybod, frodyr, y dirgelwch#11:25 Cuddiedig oddiwrth reswm, dadguddiedig gan Dduw, sef y Cenhedloedd yn gyffredinol yn dyfod i mewn i Deyrnas Dduw trwy bregethiad yr Efengyl. ‘Amseroedd y Cenhedloedd’ yw ymadrodd Crist (Luc 21:24). Gweler Mat 24:14; Marc 13:10. hwn, fel na byddoch ddoethion yn eich golwg eich hunain: ddyfod caledwch o ran i Israel, hyd oni ddel cyflawnder#11:25 Naill ai (1) y genedl Israelaidd, neu (2) ‘Israel Duw,’ sef y wir Eglwys. Cyfeirir yn amlwg at y blaenaf, a golygir y bydd corph mawr y genedl yn ddychweledigion at Grist. y Cenhedloedd i mewn; 26ac felly holl Israel a achubir, fel y mae yn ysgrifenedig,
Daw allan o Sion y Gwaredydd#11:26 Hebraeg, Goel, Gwaredydd, dialydd (Goel haddam, ‘dialydd y gwaed’). Yma Crist fel y Messia (1 Thess 1:10).,
Ac a dry ymaith annuwioldebau o Jacob;
27A hwn yw y Cyfammod iddynt oddiwrthyf fi,
Pan gymmerwyf ymaith eu pechodau#11:27 Cyfunir amryw o ymadroddion. Gweler Es 59:20, 21; 27:9; Salm 14:7..
28O berthynas, yn wir, i'r efengyl, gelynion ydynt er eich mwyn chwi, ond mewn perthynas â'r etholedigaeth, anwyliaid ydynt er mwyn y Tadau. 29Canys ni elwir yn ol#11:29 Llyth.: anedifarus. rad‐ddoniau a galwedigaeth Duw. 30Canys megys y buoch chwithau gynt yn anufudd i Dduw, eithr yn awr a gawsoch drugaredd drwy anufudd‐dod y rhai hyn; 31felly hwythau hefyd yn awr a anufuddhasant, fel y caent hwythau yn awr drugaredd trwy y drugaredd a estynwyd i chwi; 32canys y mae Duw wedi cyd‐gau pawb i anufudd‐dod, fel y trugarhâi wrth bawb.
Molawd yr Apostol.
33O ddyfnder golud doethineb a gwybodaeth#11:33 Doethineb a gwybodaeth. Defnyddir y ddau air gyda'u gilydd yma ac yn Col 2:3. Y mae holl‐wybodaeth yn gweithredu mewn cyfiawnder a chariad tragywyddol. Duw! mor anchwiliadwy yw ei farnau#11:33 Saif barnau am arfaeth neu fwriadau Duw, a'i ffyrdd am y modd y mae yn eu dwyn i ben. ef, a'i ffyrdd#11:33 Saif barnau am arfaeth neu fwriadau Duw, a'i ffyrdd am y modd y mae yn eu dwyn i ben., mor anolrheiniadwy ydynt! 34Canys pwy a wybu feddwl yr Arglwydd#11:34 O Esaiah 40:13, hefyd yn 1 Cor 2:16.; neu pwy fu Gynghorwr iddo? 35Neu, pwy a roddes iddo ef yn gyntaf, ac fe a delir iddo drachefn#11:35 O Job 41:11.? 36Canys o hono ef, a thrwyddo ef, ac iddo ef y mae pob peth#11:36 Duw yw ffynnonnell, gweithredydd, a gwrthrych pob peth oll.. Iddo ef y byddo y gogoniant yn oes oesoedd#11:36 Llyth., i'r oesoedd; trwy holl gyfnodau y dyfodol a dadblygiadau bodolaeth.. Amen.
ที่ได้เลือกล่าสุด:
Rhufeiniaid 11: CTE
เน้นข้อความ
คัดลอก
เปรียบเทียบ
แบ่งปัน
ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้
Cyfieithiad Newydd o'r Testament Newydd gyda Nodiadau gan Dr William Edwards. Cyhoeddwyd mewn 4 cyfrol 1894-1915.
