ข้อพระคัมภีร์ยอดนิยมจาก Flp 3

แบ่งปัน

Ami yaqaya'olqa, ja jeetapega ta'le joote jacona joga'me ñomataĝanaqate, qalaĝaja ja jenate'ta jogaa'me joote jauo'oe, dite da'me yataqata jenate'ta joga'me maliaĝa ja jomat da'me je'et. Qama'le yataqachiñe 'ñañaĝat da'me yataqata ja jaĝañi jenjo' jelo'tegue jo'ne 'yonatac ladic, qaedi joñe'me Dios male jayem yanem joga'me ñomataĝanaqate, nach'ega jo'ne jayem yiyaĝana qaedi jona'ague di'me piyem, jouaĝat da'me yataqata jeme'teguet joñe'me Jesucristo.

Qama'le nayi nach'edata da'me yataqata jetaque jateton ñe'me Cristo, qaedi yataqata ñauela't da'me lañoqotaĝanaĝac, nach'eda jo'ne chiyaqayi da'me nec'alijeguem ca'li joñe'me, qama'le qom 'uo ga'me yachoĝodec qomle, jetaque jena'am joñe'me ca'li yataqata qoya'uo da'me lachoĝodec, nataq'aen joda'me leleuaĝa ca'li, nach'e ena'am jetaque jena'am qomle da'me jayem, qa'a qom naq'aeta qama'le yataqata 'uo da'me yeuataqataĝanaĝac queda'me jayem qo'niyelaĝachijeguem jo' qomle, jachiyaqauelo jodia'me napa'lpi.

Qama'le yema jo'me 'yonataĝanaĝac ca'li, yataqata jaĝañi nayi, qa'a jouaĝat da'me male yataqata jateton joñe'me Jesucristo mach'e Yejaliaĝanec, qama'le nach'ena na'me yatetonaĝanaĝac jo'ne yataqata onaĝaic. Chane'eja joote jaĝañi yema da'me 'yonataĝanaĝac ca'li, qa'a yataqata jen ja no'en, qaedi jepitaqatenac da'me male joue'tajop joñe'me Cristo

Qalaĝaja nayi, ja yitaĝa jen p'ajaye da'me dojo' jo'ne jequetapegue' ca'li, qa'a male jayaten da'me qaya'te ta'le chiyaqayi. Nach'edata da'me jequetapegue' joñe'me Cristo jo'ne napacalegue ena'uac.