ข้อพระคัมภีร์ยอดนิยมจาก Flp 2

แบ่งปัน

Ena'te ani'yoĝodeñila't uotaĝa ch'e aueloiquiitapega't, dite da'me onolqa'tape da'me ami 'noota qom joĝodaic na'me lauel, qaedi nach'e eta't eetapegalo gaa'me laqaya' ta'le yataqata p'ajodaye. Qama'le onolqa'tape da'me ami 'noota qom ja jaldata da'me ch'e netela't nale, dite da'me nach'e eta't yelotaque da'me netelalo gaa'me laqaya'.

Chane'eja 'noota qom nach'e eta't auadenaĝachi joga'me lelnataĝac joñe'me Jesucristo

Nach'eñe jo'ne jalchi'ena 'uo da'me nediosyaĝac, qalaĝaja ca'li jetaque novitequena ja 'nañaĝatec da'me dojo' 'loyaĝac. Dite da'me yepotan ca'li da'me mach'e 'lonaĝac, qama'le yaconeguet da'me 'loyaĝac joga'me ch'e namaĝajec; male di'yoq da'me nejiyaĝauayaĝac. Chane'eja male yatañe da'me lajoĝoc ga'me jiyaĝaua, qama'le yataqata ja ni'yoĝodela't, dite da'me yataqata yoqo'cha joñe'me Dios chayovida'a ca'li yeleu: ¡qama'te qoyalat ca'li da'me qoyep'elegue jañe'me sodoso!

Qa'a nach'eñe joñe'me Dios jo'ne ami yanouelo da'me nelnataĝaco jo'ne onaĝayaqa nataq'aen ami yanema da'me at'añaĝaqui qaedi aueñi di'yoq da'me yepaquetapega joñe'me.

Qo'che' joñe'me Dios yanem da'me lejaliaĝa jo'ne yataqata p'ajaye. Qama'le naqaeñe joñe'me jo'ne qoyen napacalo'te yema jogaa'me jaliaĝanaqa laqaya', qaedi male naqaeñe jo'ne qonetamenot da'me yejoidiñe naa'me leliquetel yema jogaa'me uo'oe: jogaa'me ueteda'ague di'me piyem choqogaa'me uetedalegue jena'me aleua nataq'aen jogaa'me uetedo'ot jena'me aleua, qaedi male yema qo'yaĝatetedac queda'me nach'eñe joñe'me Jesucristo naqaeñe jo'ne Qadejaliaĝanec. Qama'le naq'aeta da'me yataqata qo'nonaĝachigui joñe'me Dios mach'e Qadet'a.

Chane'eja gamachaqaega ga'me a'vichi, ena'te ami jaĝayaqa uotaĝa ta'le auecochetapiye nale, qaedi yataqata ami ja 'nalo'te qama'le qaya'te 'uo ga'me ami yepoleguelo'te. Da'me ami mach'e Dios lec'oqo'tepi jo'ne qaya'te qoyen adaviyaĝajet, qalaĝaja queda'me oviyauelo ga'me aleua laje'pi jo'ne p'aguenataĝanaĝayaqa nataq'aen jiyaĝa'u jo'ne loeco lo'olpi, 'noota qom nach'e eta't aueñi di'yoq joga'me onaĝaic, aueñiya'ama gaa'me uaqachiñil da'me yecoyadelegue na'me 'lalaĝa.

Ami yaqaya'olqa, ca'li maliaĝa ami jouetauelo, yataqata jayem auoqochiiya nale 'uo ga'me ami jamaĝalo'te. Qama'le nayi da'me jayem qaya'a, jetaque nach'e ena'am auauoyi nale ga'me ami jamaĝalo'te. Chane'eja nach'e eta't a'nañaĝachi da'me a'nonaĝachiyegui joñe'me Dios qaedi yataqata ami 'noote', qaya'te auoviñetaque.