ข้อพระคัมภีร์ยอดนิยมจาก Flp 4

แบ่งปัน

Ena'te aueñi lichiguilo naa'me adai'lidi' nale, dite da'me nach'e eta't anetameñetac, qama'le anachoĝodeñitapecot joñe'me Qadet'a Dios nale 'uo joga'me auoviñetaque, nataq'aen auañem da'me adamaiqui nale.

Qama'le joñe'me Dios ami yanema joga'me 'nemaĝac jo'ne yataqata napacalegue ga'me yañoĝot da'me yayaten ga'me jiyaĝaua. Qama'le dojo' 'nemaĝac male 'namachidiñe q'ae'n naa'me adai'lidi' nataq'aen gaa'me adelnataĝacodi', jouaĝat da'me yataqachiñe ademii'teguet joñe'me Cristo.

Ami yaqaya'olqa, jeetapega naq'aeta jenjo' 'yaqatac nayi. 'Noota qom analoqochiñe nale jena'me jenjo' 'noota ladic, chayovida'a da'me jo'ne yataqata qo'nonaĝachigui. Qama'le nach'e eta't auenache'ta da'me eja nataq'aen da'me chimaqachiñe, da'me yataqatelegue nataq'aen da'me ja 'nalegue, da'me onaĝaic nataq'aen da'me qoyiyamaĝaden.

Nach'eñe ñe'me Cristo jo'ne ya'uo joga'me 'yañaĝac qaedi male jeloquetape'to naa'me naajo' qat'oyaĝaco da'me jouaqa'ta jena'me aleua.

¡'Noota qom nach'e eta't ami made'tape, da'me ami jo'ne ademii'teguet joñe'me Qadejaliaĝanec! Joote ami ja'aĝatema ca'li, qama'le nayi yitaĝa ñenaĝategue jenjo': ¡yataqata ami made'tape!

Chane'eja ñe'me Dios ami yanema yema joga'me auoviñetaque: chiyaqayi joñe'me Qadec'alaĝaiqui Jesucristo da'me ami yanema yema joga'me onaĝaic adeuoyaĝaqui.

Yataqata a'vichi yema jo'ne joote ami japaĝagueneque quelqaya. 'Noota qom auacoñiyeguet yema da'me jo'ne ñenaĝategue nale ami jojetapegue'to, nataq'aen jayem auadenaĝachi da'me jauotac nale. Qom naq'aeta da'me auauoyi, qama'le joñe'me Dios jo'ne ami yanema da'me at'emaĝaqui, nach'eñe ami uetauelo yemeda naa'me noloqo'ote.

'Noota qom ami qoyayate'n nale da'me yataqata ami choĝodenataĝanaĝayaqa, qa'a joñe'me Qadejaliaĝanec 'niyelaq jo' qomle.

Yataqata ñaya'ac da'me jouaue da'me qaya'te jauana, nataq'aen ñaya'ac laqaya da'me jouaue da'me qaya'te jouetaque; yemeda naajo' 'noyaĝaco joote jouauelo. Qama'le jayaten joda'me eeta nale 'uo ga'me niqui'yaĝac uotaĝa nale joqouat, chayovida'a da'me jayaten da'me eeta nale yaguegue da'me jauana, uotaĝa nale jayem 'naja.

Ena'te aueñetapega ta'le ñenaĝategue jena'me jenjo' qa'a 'uo joga'me jouetaque; ja naq'aeta, qa'a joote jayaten da'me ñetonec joga'me jauana.