ข้อพระคัมภีร์ยอดนิยมจาก MAEFESO 5

แบ่งปัน

V̄av̄o namuke watiɓizi wa Mungu, iv̄o mulio wana wav̄endzewa wahe. Namuẽshi ha maendreleo ya uv̄endza, mauri ɗe inamuna Kristi wajau ariv̄endza, adzitoa fidia monyewe ha Mungu ha tanafu yatru, ake kafara amma sadaka linukao tro.

Namutunde ha uzuri ɓasi maendreleo yanyu: yasuke mauri ya magedze, ɓadi yake mauri ya wendza hikima. Namurumiye ha uzuri uwakati mulionawo, mana zisuku za mbovu.

Mwasudzileze na ushi: uwo uv̄inga hari mwa uangamifu; ɓadi ha kinyume, namujaye na iRoho. Namulaguliane ha ngutende, na madjimbo ya sifa, na himbo za shiroho. Namuhimbe na umusifu Mola ha piya ziroho zanyu. Daima namuhimidiye Mungu amma Ɓaɓa ha piya, ha lidzina la Raɓi watru Insa-Kristi.

Ɓasi v̄av̄o, mwasuke ɓila ãkili, ɓadi namuelewe amba mav̄endzeleo ya Mola ɗe yav̄i.

Na watruwaume, kula moja nav̄endze mushe wahe, mauri Kristi namuna av̄endza iDjama Ndziwaminifu, adzitoa fidia ha siɓaɓu ya wiyo

Kweli amba hale hule muka shidza, ɓadi av̄asa, mwa heu ha uv̄umoja wanyu na Raɓi. Ha izo namuẽshi shi watru wa heu

Kula moja hari mwanyu nadzihetsi tayari ya utuĩ munyahe ha mastaha mulionawo na Kristi.

Watruwashe, namudzihetsi watuĩvu ha waume wanyu, mauri ɗe inamuna mulio ha Raɓi.

Ɓadi namuna yotsi itsokao, kula moja mengoni mwanyu nav̄endze mushe wahe mauri ɗe waye monyewe, na mutrumushe astehi mume wahe.

«Ɗe imana ata mutruɓaɓa atsolawao ha ɓaɓahe na mayahe ile adzifungamanise na umutrumushe wahe, na wao waili watsofanyiha mwili moja.»

musurenge fuvu hari mwa zitrendrwa za shidza zilio amba kazina faida, ɓadi ha kinyume namuziv̄enuwe.