ข้อพระคัมภีร์ยอดนิยมจาก MAEFESO 4

แบ่งปัน

Namuke wema na roho zendza poreho wanyu na wanyu; namuswamihiane, mauri ɗe inamuna Mungu amuswamihini ha uv̄umoja wanyu na Kristi.

hari mwa uwekevu na umakini, v̄umoja na suɓira. Namustahamiliane wanyu na wanyu hari mwa mahaɓa.

Hanyoni hanyu v̄usulawe ata urongozi movu, ɓadi urongozi mwema utsoshindrao wakati walazimu, ufayidishe na uv̄ingia rehema wao waukiao.

Ɓasi nazitolwe hari mwa wanyu kula unyongo wa roho, utukifu, hadhaɓu, umani, uruhana, tsena na kula aina ya uovu.

Mwamongia hasera, musulishe hasera zanyu zamuv̄ingani mwaãswi, na jua lasutswe hari mwa hasera zanyu. Mwasumuv̄e Iɓilisa nafasi.

ɗe amba ilazimu mutsuwe maendreleo ya hale yanyu, mulishe itaɓia ya utru wanyu wa hale uangamiao ha zingushauku ndzidangamanyifu, tsena ilazimu mufanyihe watru wav̄ia hari mwa ziroho na zifikira, mudzipindrise uutru muv̄ia waumbwa ha mufano wa Mungu, hari mwa uhaki na utwaharifu zijao ha ukweli.

Namufanye djitihadi ya usika uv̄umoja uv̄ingwao na iRoho, ha ukana iamani imufungamanisaoni.

Waye ɗe afanya amba ɓaãdhwi wake Mav̄ingizi-Risala, wasalia wake watru wajudzao marongozi washukidziwawo, wasalia amba wajudzizi wa iHaɓari Ndjema, na wasalia amba watsunga, iv̄o watru wasomedzao waaminifu, ile watwaharifu watayarishihe ha ihazi ya urumishi, pare umwili wa Kristi uundrishihe, ata mupaka riwaswili piyasi hari mwa uv̄umoja wa uaminifu na wa ujua ha kusudi uMwana wa Mungu, mauri watru waɓalihi, walingana na ishiv̄imo ya utru ukamilifu wa Kristi.

Ha izo, karitsoka tsena wanatsa wav̄ingwao na maji, watangisiwao na kula pev̄o ya musomo, wapotezewao ha udjandja na yimipango ya unafiki ya wanadamu. Ɓadi ha urongoa ikweli ha mahaɓa, ritsohua hari mwa piya zitrongo ha ukaɓili inamuna ya ule alio ishitswa, ne ɗe Kristi.