ข้อพระคัมภีร์ยอดนิยมจาก ယ︀ေႃးꩭၢꩫ︀် 12

แบ่งปัน

က︀ူဝ်ႇဢ︀ꩫ︀်ႈၵ︀ႂ်ႈꩭီတ︀်ဢ︀မ︀ူးက︀ဝ်ႈꩫ︀ႆ︀ႇ ဝႃႈꩡ︀ွမ︀်းက︀ꩫ︀်ႛလ︀င︀်က︀ဝ်ႈꩫ︀မ︀်။ င︀ႆ︀းက︀ီးꩬ︀င︀် တ︀ီႈဢ︀ꩫ︀်ႈက︀ဝ်ႈဢ︀ူမ︀ႆ︀ႛ မ︀ꩫ︀်းတ︀ီꩫ︀ႆ︀ႛဢ︀ူꩫ︀မ︀်။ က︀ူဝ်ႇဢ︀ꩫ︀်ႈꩭီတ︀်ဢ︀မ︀ူးက︀ဝ်ႈမ︀ႆ︀ႛ ပ︀ူဝ်က︀ဝ်ႈက︀ေႃႇ တ︀ီယ︀ွင︀်ႛꩫ︀မ︀်” ꩫ︀ဝꩫ︀်ႇ။

က︀ူဝ်ႇဢ︀ꩫ︀်ႈဢ︀ꩬ︀ၢက︀်ႉၸ︀ူႛꩡ︀ဝ်ႛမ︀ႆ︀ႛꩭၢက︀်ႉꩫ︀ႆ︀ႇ ဢ︀ꩬ︀ၢက︀်ႉꩬ︀ုမ︀်းက︀ႃဢ︀ူ။ မ︀ိူင︀်းက︀ၢင︀်ႈမ︀ႆ︀ႛ က︀ူဝ်ႇဢ︀ꩫ︀်ႈဢ︀ꩬ︀ၢက︀်ႉၸ︀ူႛꩡ︀ဝ်ႛမ︀ႆ︀ႛမ︀ဝ်ꩬ︀ီꩫ︀ႆ︀ၢႈꩫ︀ႆ︀ႇယ︀ႃႇ ဢ︀ꩬ︀ၢက︀်ႉၸ︀ူႛꩡ︀ဝ်ႛမ︀ႆ︀ႛ ꩡ︀ူဝ်ႈထႃဝရ︀ꩫ︀ႆ︀ႛဢ︀ူ။

က︀ဝ်ႈꩬ︀ိုဝ်ႈꩰဝႃႈက︀ွတ︀်။ ꩭွေၸ︀ꩫ︀်းꩫ︀ꩫ︀ႆ︀ႇယ︀ႃႇ မ︀ဝ်တ︀ူက︀်ꩫ︀ိꩫ︀်ႈ၊ မ︀ဝ်ၸ︀ေႛက︀ီး မ︀ိတ︀်ႉလ︀ိူင︀်ႈမ︀ႆ︀ႛလ︀ိူဝ်ꩬ︀ီ ꩵ︀ႈꩫ︀မ︀်မ︀ႃး။ ၸ︀ေႛက︀ႃက︀ီးꩬ︀ိုင︀် လ︀ုက︀်ႉမ︀က︀်ဢ︀ၢꩫ︀်တ︀ၢꩫ︀်ပ︀ီꩫ︀်ႈမ︀ႃးꩫ︀မ︀်။

ဢ︀ꩫ︀်ႈက︀ႃႈꩡ︀ိုဝ်ႈက︀ဝ်ႈမ︀ႆ︀ႛယ︀ုမ︀်ယ︀မ︀်ႈꩫ︀ႆ︀ႇၵ︀ဝ် ꩭႂ်ႛပ︀ူဝ်းဢ︀ꩫ︀်ႈꩫ︀ပ︀်ꩬ︀ိင︀်မ︀ႆ︀ႛမ︀ဝ်ဢ︀ူꩫ︀ႆ︀ႇ က︀ဝ်ႈယ︀ႃႇ ꩭီတ︀်ဢ︀ꩫ︀်ႈလ︀ႅင︀်းꩬ︀ီ မ︀ိူင︀်းက︀ၢင︀်ႈမ︀ႆ︀ႛက︀ျွႃးမ︀ႃးမ︀ꩫ︀မ︀်။

က︀ူဝ်ႇဢ︀ꩫ︀်ႈꩫ︀ႆ︀ႛꩥ︀ိꩫ︀်းၵ︀ၢမ︀်းက︀ဝ်ႈꩬ︀ီ မ︀ဝ်ꩭၢပ︀်ႉဢ︀ဝ်ႈမ︀ႆ︀ႛ က︀ဝ်ႈꩵ︀ႈပ︀ႅတ︀်ႉတ︀ြႃး။ က︀ဝ်ႈက︀ျွႃးမ︀ႃးမ︀ိူင︀်းက︀ၢင︀်ႈꩫ︀ႆ︀ႇ မ︀ႃးပ︀ႅတ︀်ႉတ︀ြႃးꩵ︀ႈꩡ︀ႂ်ႈ။ မ︀ႃးၵ︀ေꩬ︀ေꩫ︀မ︀်။

မ︀ိူဝ်ႈဢ︀မ︀ႂ်း မ︀ေရ︀ီယ︀ႃႇ မ︀ꩫ︀်းꩭွမ︀်ꩫ︀ႃၻုꩡ︀ႅတ︀်ႉꩰ ဢ︀ꩫ︀်ႈၵ︀ꩫ︀်ယ︀ႂ်လ︀ူင︀်ꩫ︀ႆ︀ႇ တ︀င︀်းတ︀ဝ်ႛဢ︀ဝ်ႈꩬ︀ီ တ︀ိꩫ︀်ႈꩡ︀ဝ်ႛယ︀ေꩬ︀ုမ︀ႆ︀ႛလ︀ူဝ်ယ︀ဝ်ႇက︀ီး ဢ︀ဝ်ႈၸ︀ူမ︀်မ︀ꩫ︀်းꩡ︀ဝ်ႛꩡ︀ီတ︀်ႉꩭႂ်ႛဢ︀ူ။ ဢ︀ႆ︀ၢႈမ︀ꩫ︀်းꩭွမ︀်ဢ︀မ︀ႂ်းယ︀ႃႇ တ︀င︀်းꩭိူꩫ︀်းမ︀ႆ︀ႛꩭွမ︀်ꩭီင︀်းꩰဢ︀ူ။

ၵ︀ႃႈꩡ︀ူꩫ︀်ပ︀လ︀ူꩫ︀် ꩫ︀ႆ︀ႇၵ︀ဝ်တ︀ိုဝ်းင︀ႆ︀း မ︀ꩫ︀်းꩡ︀ဝ်ႛမ︀ႆ︀ႛက︀ႃက︀ꩫ︀်ႈꩬ︀ီ “ꩭေလ︀ိူဝ်း ꩭေလ︀ႃး မ︀ူꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ူဝ်းယ︀ွင︀်ႛက︀ꩫ︀်ႈလ︀ိူဝ်း။ ꩡ︀ဝ်ႛဢ︀ꩫ︀်ႈတ︀ၢင︀်ႈတ︀ူဝ်ႈၸ︀ြႃးပ︀ီꩫ︀်ႈꩡ︀ဝ်ႛꩬ︀ီ က︀ျွႃးမ︀ႃးꩫ︀ႆ︀ႇ မ︀ၢင︀်က︀လ︀ႃꩭႂ်ႛယ︀င︀်းတ︀ီၵ︀ႃႛက︀ႃတ︀ႃႉ။ ꩡ︀ဝ်ႛꩭူဝ်ၵ︀မ︀်းဢ︀ီတ︀်ꩬ︀ြေးမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛꩭႂ်ႛပ︀ူင︀်ႈဢ︀က︀ိဝ်းက︀ႃတ︀ႃႉ။ ꩭေလ︀ိူဝ်း ꩭေလ︀ႃး” ꩫ︀ꩬ︀ီ ꩡ︀ဝ်ႛယ︀ေꩬ︀ုမ︀ႆ︀ႛꩭၢပ︀်ႉတ︀ွꩫ︀်ႛက︀ꩫ︀်ႈဢ︀ူ။

ꩫ︀ႆ︀ႇမ︀ႆ︀ႛ ꩡ︀ဝ်ႛယ︀ေꩬ︀ုယ︀ႃႇ “က︀ဝ်ႈၸ︀ူႛပ︀ီꩫ︀်ႈလ︀ုက︀်ႉက︀ူꩫ︀်း မ︀ူꩫ︀်ႈၸ︀ုင︀်းလ︀ူင︀် တ︀ီꩫ︀ႆ︀ႛꩭၢပ︀်ႉယ︀ဝ်ႇ။