புதிய அக்கினி

எந்தப் பிரிவினர் என்ற பாகுபாடு இல்லாமல், எல்லா விசுவாசிகளுக்கும் ஆவியானவரின் திருமுழுக்கு கிடைக்கும்.

மேலும், ஆவியானவரின் திருமுழுக்கு இப்பொழுதே கிடைக்கும். ஆவியானவர் தன்னுடைய அக்கினியினால் உங்களை நிரப்ப விரும்புகிறார். அவருடைய பிரசன்னம் உங்களுக்குள்ளும், உங்கள் மூலமாகவும் கிரியை செய்வதினால் நீங்கள் பலனுள்ளவர்களாக உணர வேண்டும் என விரும்புகிறார்.

கர்த்தர் தம்முடைய ஆவியானவரால் உங்களை நிரப்ப வேண்டுமென விரும்புகிறார் என்பதை நீங்கள் விசுவாசிக்கிறீர்களா? நீங்கள் புதிய அக்கினியைப் பெற வேண்டும் என அவர் விரும்புகிறார் என்பதை நீங்கள் விசுவாசிக்கிறீர்களா?

அப்போஸ்தலர் 2:1-4ல், ஆவியானவர், சரீரமாகிய சபை அந்நிய பாஷையில் பேச ஆரம்பித்தபோது தன்னை பகிரங்கமாக வெளிப்படுத்தினார் என்பதைக் காண்கிறோம்.

அப்போஸ்தலர் 4:1-8ல், பேதுருவும் யோவானும் ஒரு இரவு முழுவதும் சிறையில் அடைக்கப்பட்டனர். பின்பு பிரதான ஆசாரியனாகிய அன்னா மற்றும் அவனுடைய குடும்பத்தினரால் விசாரணைக்கு உட்படுத்தப்பட்டனர். இக்கடினமான சூழ்நிலைமையில் பேதுரு பரிசுத்த ஆவியானவரால் நிரப்பப்பட்டார் என்று வேத வாக்கியம் சொல்கிறது!

நம்முடைய கடினமான நேரங்களிலே அவருடைய மகிமைக்காக கர்த்தர் நம்மை நம்முடைய பரிசுத்த ஆவியினால் நிரப்ப விரும்புகிறார், நாம் அதற்கு தயாரா? பரிசுத்த ஆவியானவரின் புதிய அக்கினிக்கு நம்முடைய வாழ்விலும், நம்முடைய மனதிலும் என்னென்ன மாற்றங்கள் தேவைப்படுகிறது?

மத்தேயு 3:11-17ல், யோவான் ஸ்நாகனிடத்தில் இயேசு பெற்ற திருமுழுக்கைப் பற்றிப் பேசுமுன், யோவான் ஸ்நானகன் அதையும் விட வலிமை வாய்ந்த திருமுழுக்கைப் பற்றி பேசுகிறார். அது நீரினால் பெறுகிற ஞானஸ்நானம் அல்ல அக்கினியினால் பெரும் ஞானஸ்நானம். இந்த திருமுழுக்கைக் கொடுப்பவர் யோவான் ஸ்நானகன் அல்ல, ஆவியானவர்.

நீங்கள் நீரில் ஞானஸ்நானம் பெற்று மறுபடியும் பிறப்பதற்கு எப்படி விசுவாசம் தேவைப்பட்டதோ, அதே போல ஆவியானவரால் நிரப்பப்படுவதற்கும் விசுவாசமே தேவைப்படுகிறது. தேவன் உங்களுக்கு ஆவியானவரால் ஞானஸ்நானம் கொடுக்க விரும்புகிறார்,அக்கினியினால் திருமுழுக்கு கொடுக்க விரும்புகிறார்!