Soma Biblia Kila Siku/ Aprili 2023Mfano

Unafiki unaua mahusiano ya kweli. Upendeleo unaondoa utengemano na umoja wa jamaa, jamii na taifa. Atoaye haki afanye hivyo bila unafiki wala upendeleo. Mwanadamu hana haki kulipa kisasi. Hiyo ni kazi ya Mungu mwenyewe. Tena anasema, Msimlipe mtu ovu kwa ovu. Angalieni yaliyo mema machoni pa watu wote. Kama yamkini, kwa upande wenu, mkae katika amani na watu wote. Wapenzi, msijilipize kisasi, bali ipisheni ghadhabu ya Mungu; maana imeandikwa, Kisasi ni juu yangu mimi; mimi nitalipa, anena Bwana. Lakini, Adui yako akiwa na njaa, mlishe; akiwa na kiu, mnyweshe; maana ufanyapo hivyo, utampalia makaa ya moto kichwani pake. Usishindwe na ubaya, bali uushinde ubaya kwa wema (Rum 12:17-21). Tuifanye kazi kwa wakati unaotakiwa, tena unaofaa. Maamuzi ya kutenda chochote juu ya maisha na uhusiano na wengine yafuate kanuni bora ya Kristo katika Lk 6:31: Kama mnavyotaka watu wawatendee ninyi, watendeeni vivyo hivyo. Kumbuka amri ya Mungu inayosema, Usimshuhudie jirani yako uongo (Kut 20:16)!