Soma Biblia Kila Siku 11/2020Mfano

Hii ni simulizi ya Bwana Yesu akiingia Yerusalemu akiwa tayari kuuawa kwa ajili ya dhambi za ulimwengu. Lakini badala ya kuingia kwa simanzi na majonzi, anaingia kwa mvumo wa kishindo cha mfalme. Anatangaza kuwa ni Mfalme mpole, mnyenyekevu asiyejivunia ukuu wake. Kupanda punda kunaashiria unyofu wa moyo wa Mfalme Yesu. Anakuja na amani, na anatawala wote wamwaminio kwa upole. Na wote wanaokubali kuwa raia wake wanatangaziwa wawe wapole na wanyenyekevu. Ndivyo Yesu asemavyo pia katika Mt 5:5, Heri wenye upole; maana hao watairithi nchi.