1 VAKORINZO 13
13
1Kali nimba nimoloma mu zinimi zia vandu kandi zie zingelosi, navuzwa nindaveeye nu vuyanzi, mbeeye vuzwa kuli umugasa gulangiliraa anoho vikuli visaara vuzwa. 2Niiva ndakaveeye ni kihanwa chu kwilwaza; kandi kihanwa chu kumanyiriza agaviswa goosi kandi limanya liosi; kandi niiva ndakaveeye nilisuvira liosi linyala kusunda vigulu; navuzwa nindaveeye nu vuyanzi, simbeeye kindu mba. 3Kandi niiva ndakahaani ivindu viosi viambeeye navio ku vadaka, kandi niiva ndakahaani umuviri gwange gusaambwe, navuzwa nindaveeye nu vuyanzi, sivingoonya kali hakuzu mba.
4Vuyanzi vwikuziraa, kandi voveeye no vohoma; sivoveeye ne embodoka, anoho ni liegingira mba. 5Uvuyanzi sivoveeye ni miima midamanu, anoho nu vwimani anoho uvutima vwa vwangu mba; sivusangaliraa vudamanu mba. 6Uvuyanzi sivusangaliraa vudamanu mba, navuzwa vusangaliraa agiligali. 7Uvuyanzi vukunikaa vindu viosi vusuuviraa vindu viosi, vusuuvirizwa vindu viosi. Vwikuzira ku vindu viosi.
8Uvuyanzi sivoveeye ne keheri mba. Navuzwa voporofeti nivoveeyeho vulakahere, vihaanwa viokomoloma mu zinimi zing'eni, niviveeyeho, vilakahere; limanya niliveeyeho lilakahere. 9Ivihaanwa vietu vie limanya kandi vio voporofeti siviveeye vidukiru mba, 10navuzwa lwa yicho keveeye kidukiru kiliduuka, maku viosi vitaveeye vidukiru vilakahere.
11Lwa ndaali mwana, ndamoloma kuli mwana, ndaaganagana kuli mwana, kandi ndamanyiriza kuli mwana. Navuzwa lwa ndaduuka mundu muhindira, ndaaleka miima josi ju lwana. 12Icha kololaa kalunu keveeye kuli kololera mu chelolero iligondo litalolekaa vulahi, navuzwa inyima wayaga kulakalole moni namoni. Icha inzi manyi kalunu sikeveeye kidukiru mba, navuzwa inyima kilakave kiduukilu kuli limanya lia Nyasaye, liveeye liduukilu ku inzi
13Kulwa kalunu viveeye ho vindu vivaga vihindiraa: ilisuuvira, lisuuvirizwa, kandi uvuyanzi; navuzwa ekenene kuvita viosi keveeye uvuyanzi.
Ivihaanwa vindi via Roho
Iliyochaguliwa sasa
1 VAKORINZO 13: LOGOOLI
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
©Bible Society of Kenya, 2019