Mistari Maarufu ya Biblia kutoka 1 VAKORINZO 13

Shirikisha

Vuyanzi vwikuziraa, kandi voveeye no vohoma; sivoveeye ne embodoka, anoho ni liegingira mba. Uvuyanzi sivoveeye ni miima midamanu, anoho nu vwimani anoho uvutima vwa vwangu mba; sivusangaliraa vudamanu mba.

Uvuyanzi vukunikaa vindu viosi vusuuviraa vindu viosi, vusuuvirizwa vindu viosi. Vwikuzira ku vindu viosi.

Uvuyanzi sivusangaliraa vudamanu mba, navuzwa vusangaliraa agiligali.

Kulwa kalunu viveeye ho vindu vivaga vihindiraa: ilisuuvira, lisuuvirizwa, kandi uvuyanzi; navuzwa ekenene kuvita viosi keveeye uvuyanzi.

Uvuyanzi sivoveeye ne keheri mba. Navuzwa voporofeti nivoveeyeho vulakahere, vihaanwa viokomoloma mu zinimi zing'eni, niviveeyeho, vilakahere; limanya niliveeyeho lilakahere.

Kali nimba nimoloma mu zinimi zia vandu kandi zie zingelosi, navuzwa nindaveeye nu vuyanzi, mbeeye vuzwa kuli umugasa gulangiliraa anoho vikuli visaara vuzwa.

Niiva ndakaveeye ni kihanwa chu kwilwaza; kandi kihanwa chu kumanyiriza agaviswa goosi kandi limanya liosi; kandi niiva ndakaveeye nilisuvira liosi linyala kusunda vigulu; navuzwa nindaveeye nu vuyanzi, simbeeye kindu mba.

Kandi niiva ndakahaani ivindu viosi viambeeye navio ku vadaka, kandi niiva ndakahaani umuviri gwange gusaambwe, navuzwa nindaveeye nu vuyanzi, sivingoonya kali hakuzu mba.

Lwa ndaali mwana, ndamoloma kuli mwana, ndaaganagana kuli mwana, kandi ndamanyiriza kuli mwana. Navuzwa lwa ndaduuka mundu muhindira, ndaaleka miima josi ju lwana.